သြဂုတ် ၃၁ ရက်တွင် စတင်ကျင်းပမည့် ပြည်ထောင်စုငြိမ်းချမ်းရေး ညီလာခံ ၂၁ ရာစုပင်လုံကို ကြိုဆိုထောက်ခံသည့် လူထုလှုပ်ရှားမှု အခမ်းအနားများ မြန်မာပြည် အနှံ့ပြုလုပ်လျက်ရှိရာ သြဂုတ်လ ၂၈ ရက်နေ့က ရန်ကုန်မြို့ မဟာဗန္ဓုလ ပန်းခြံတွင် ငြိမ်းချမ်းရေး လိုလားသူများက စုပေါင်းပြုလုပ်သည့် ငြိမ်းချမ်းရေး ကြိုဆိုထောက်ခံပွဲ အား နေ့လည် ၁၂ နာရီမှ ည ၇ နာရီအထိ စည်ကားသိုက်မြိုက်စွာ ကျင်းပခဲ့ကြသည်။ ယင်းထောက်ခံ ကြိုဆိုပွဲတွင် အမျိုးသားဒီမိုကရေစီအဖွဲ့ချုပ် ဗဟိုအလုပ်မှုဆောင် မုံရွာအောင်ရွှေ ၊ ၈၈ မျိုးဆက် (ငြိမ်း/ပွင့်) ကိုကိုကြီး၊စာရေးဆရာ ထင်လင်းဦး၊ ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးရန်အောင်တို့က အမှတ်တရစကား များ ပြောကြားခဲ့ပြီး ပန်းရဲ့လမ်း ဂီတအဖွဲ့နှင့် အဆိုတော်များက ဖျော်ဖြေခဲ့ကြကြောင်း သတင်းရရှိသည်။ ဦးရန်အောင်မှ အမှတ်တရစကား ပြောကြားရာတွင် ငြိမ်းချမ်းရေး ဆိုသည်မှာ နိုင်ငံတော်ရဲ့ ၀ိဥာဉ်ဖြစ်သဖြင့် မဖြစ်မနေ ကြိုးပမ်းရမှာ ဖြစ်ကြောင်း၊ ဘယ်လိုအခက်အခဲ ကြုံကြုံ ဘယ်လိုပေးဆပ်မှုတွေပဲ ပေးဆပ်ရပေးဆပ်ရ မဆုတ်မနစ် ကြိုးစားသည်မှာ ဒေါ်အောင်ဆန်းစုကြည် ၀ါဒဖြစ်သဖြင့် ဒေါ်အောင်ဆန်းစုကြည် ၀ါဒကို ကိုင်စွဲကြရန် လိုကြောင်း ပြောကြားခဲ့သည်။

ဇော်မြင့်