ဆန်ဈေးနှုန်းနဲ့ ဆန်စပါးကဏ္ဍ တည်ငြိမ်အောင် ဘယ်လိုထိန်းညှိဆောင်ရွက်မလဲ

အခုနှစ် မိုးစပါး ပေါ်ဦးပေါ်ဖျားချိန်နဲ့ တိုက် ဆိုင်စွာပဲ တရုတ်နိုင်ငံသို့ တရားမ၀င် လမ်းကြောင်း ကတစ်ဆင့် စပါးတင်ပို့ရောင်းချမှုတွေ ဖြစ်ပေါ်လာ ပြီး၊ မြန်မာနိုင်ငံ ဆန်စပါးအဖွဲ့ချုပ်ဥက္ကဋ္ဌ ဦးချစ်ခိုင်က လည်း ပြည်တွင်းဆန်စပါးလောကသားတွေ ကိုယ် တိုင်ပါဝင်ပတ်သက်နေပြီလားလို့ မေးခွန်းထုတ် လိုက်ပါတယ်။

တစ်ဆက်တည်းမှာပဲ တရုတ်ကုန်သည်တွေ ကိုယ်တိုင် မြန်မာနိုင်ငံအတွင်းက နေရာဒေသ အတော်များများကိုဆင်းလာပြီး စပါးတွေကို လိုက် လံ ၀ယ်ယူနေတာကြောင့် ပြည်တွင်းဆန်စပါးကဏ္ဍ တည်ငြိမ်မှုနဲ့ ဆန်ဈေးနှုန်းပေါ်မှာ ဘယ်လို အကျိုး သက်ရောက်မှုတွေရှိလာမလဲဆိုတာ စိတ်ဝင်စား စရာ ဖြစ်လာတယ်။

မြန်မာနိုင်ငံမှာ စပါးကို ပြည်တွင်းမှာသာ လွတ် လပ်စွာ ၀ယ်ယူရောင်းချခွင့်ပြုထားတယ်။ ပြည်ပ ကို တိုက်ရိုက် တင်ပို့ရောင်းချခွင့်မရှိဘူးလို့ အစိုးရက ဥပဒေထုတ်ပြန် တားမြစ်ထားတယ်။ ဒါကြောင့် စပါးကို တစ်ဖက်နိုင်ငံဆီ တင်ပို့ရောင်းချတာက တ ရားဝင် လမ်းကြောင်းပေါ်မှ သွေဖည်သွားစေတယ် မဟုတ်ပါလား။

ပြည်တွင်းမှာလည်း ဆန်ဈေးနှုန်းက တည်ငြိမ် မှုမရှိဘဲ မြန်မာနိုင်ငံ ဆန်စပါးအဖွဲ့ချုပ် မှတ်တမ်း တွေအရ သုံးနှစ်ဆက်တိုက် ဆန်ဈေးနှုန်း မြင့်တက် လာတယ်။ အခုနှစ်အတွင်းမှာပဲ အနည်းဆုံး နှစ် ကြိမ်ထက်မနည်း ဆန်ဈေးနှုန်း မြင့်တက်မှု ဖြစ်ပေါ်ခဲ့တယ်။ သို့ကလို အခြေအနေမှာ ပြည်ပကို တရားမ၀င် စပါးတင်ပို့ရောင်းချမှုတွေ ဖြစ်ပေါ်နေ တယ်လို့ မြန်မာနိုင်ငံဆန်စပါးအဖွဲ့ချုပ် ထိပ်တန်း တာဝန်ရှိသူတွေက ပြောဆိုလိုက်လို့ စိုးရိမ်ပူပန်မှု တွေကို မြင့်တက်လာစေတယ်။

နိုင်ငံတော်အတွက်လည်း အခွန်ဘဏ္ဍာ မရ ရှိရုံတင်မက ပြည်တွင်းစားနပ်ရိက်္ခာ ဖူလုံမှု၊ နှစ်စဉ် ပြည်ပတင်ပို့မှုတွေပေါ်မှာလည်း ထိခိုက်မှုတွေ ရှိလာ နိုင်တယ်။ ဟန်ချက်တည်ငြိမ်မှု ပျက်ပြားသွားနိုင် တယ်။

အခြားတစ်ဖက်ကကြည့်ရင် တရားမ၀င် စပါး တင်ပို့မှုက စံချိန်စံညွှန်းပိုင်းမှာ အာမခံချက်တစ်စုံ တစ်ရာမရှိဘဲ ပြည်တွင်းဆန်စပါးကဏ္ဍ ပုံရိပ်ကိုပါ ကျဆင်းသွားစေနိုင်ပါတယ်။

ပြည်တွင်းဆန်စပါးကဏ္ဍ ကျွမ်းကျင်သူတွေက တော့ ပြည်ပကို တရားမ၀င် စပါးတင်ပို့ရောင်းချ မှုကြောင့် အဓိက ဖြစ်ပေါ်လာနိုင်တဲ့ အကျိုးသက် ရောက်မှု သုံးမျိုးရှိနေတယ်လို့ သုံးသပ်ကြတယ်။

ပထမအချက်က ပြည်တွင်းဆန်စက်လုပ်ငန်း တွေ လည်ပတ်တာ၊ ရပ်တည်ရှင်သန်တာတွေကို ခြိမ်းခြောက်လာတာပဲ ဖြစ်ပါတယ်။

အနီးစပ်ဆုံး သာဓကဆောင်ရရင် ပြီးခဲ့တဲ့နှစ် အောက်တိုဘာကလည်း မန်္တလေးဒေသတစ်ဝိုက်မှာ တရုတ်ကုန်သည်တွေက စပါးဈေးနှုန်း မြှင့်တင်ပြီး လိုက်လံဝယ်ယူခဲ့တာကို တွေ့ရတယ်။

ပြည်တွင်းပေါက် စပါးတင်း ၁၀၀ကို ကျပ်ငွေ ၅-သိန်းခန့်ရှိချိန်မှာ တရုတ်ကုန်သည်များက ဈေး ပိုပေးပြီး စပါးတင်း ၁၀၀ကို ကျပ်ငွေ ၆-သိန်း ၀န်းကျင် ပေးဝယ်ခဲ့တယ်။ သို့ကလို ၀ယ်ယူမှုက ဆန်ဈေးနှုန်း မြင့်တက်မှုကို တွန်းအားပေးသကဲ့သို့ ဒေသခံဆန်စက်တွေ ရပ်တည်မှု၊ လည်ပတ်မှုများ ကို ခြိမ်းခြောက်လာတယ်။

မန္တလေးတိုင်း ဆန်စက်လုပ်ငန်းရှင်များအသင်း မှ ပြောဆိုချက်အရ မန္တလေးတိုင်းဒေသကြီးအတွင်း ရှိ ဆန်စက် ၉၀-ရာခိုင်နှုန်း ပိတ်လိုက်ရပါတယ်။

တရုတ်ကုန်သည်တွေက ဈေးပိုပေးပြီး ၀ယ်ယူ လာတဲ့အပြင် အရင်းအနှီး ငွေလုံးငွေရင်း ပမာဏ ကလည်း ကြီးမားတယ်။ ဒါကြောင့် ပြည်တွင်းဆန် စက်များက ယှဉ်ပြိုင်ဝယ်ယူနိုင်စွမ်း မရှိတော့ဘဲ လုပ်ငန်းလည်ပတ်မှုကို ရပ်ဆိုင်းလိုက်ရတွေ၊ ခေတ္တ ရပ်နားတာတွေ ဖြစ်ပေါ်ခဲ့တယ်။

တစ်ဖက်မှာ လယ်သမားကလည်း တိုက်ရိုက်ထိ တွေ့ ရောင်းချရတာကြောင့် ဈေးနှုန်း ပိုမို မြင့်မား စွာ ရရှိတာကို တွေ့ရတယ်။ ထိုထက်မက ဒေသခံ ကုန်သည်များက မူဆယ်နဲ့ တိုက်ရိုက်ချိတ်ဆက် တင်ပို့မှု ဖြစ်ပေါ်လာတယ်။ အဲဒီအချက်တွေက မြန် မာ့ဆန်စပါးလောက တည်ငြိမ်မှု၊ လည်ပတ်မှုပေါ်မှာ သက်ရောက်မှု ရှိလာနိုင်တယ်။

အပြည့်အစုံကို ကြာသပတေးနေ့ထွက် Hot News Journal တွင် ဆက်လက်ဖတ်ရှုပါရန်………

သက်မောင်(နိုင်/စီး)