မကွေးတိုင်းဒေသကြီးအတွက် ၆ လ ဘတ်ဂျက်အတွင်း သုံးစွဲရန် ကျပ်သိန်းပေါင်းရှစ်သောင်းကျော် လျာထား

မကွေးတိုင်းဒေသကြီးဘဏ္ဍာရန်ပုံ ငွေစာရင်းတွင်ပါဝင်သော ဗဟိုအဖွဲ့ အစည်းများ၊ ဦးစီးဌာနများ၊ နိုင်ငံတော်ပိုင် စီးပွားရေးအဖွဲ့အစည်းများနှင့် စည်ပင် သာယာရေးအဖွဲ့များ၏ ၂၀၁၈ခုနှစ်ဧပြီ လမှ စက်တင်ဘာလထိ ၆ လအတွက် ရသုံးခန့်မှန်းခြေငွေစာရင်းများကို တိုင်း ဒေသကြီးရသုံးခန့်မှန်းခြေငွေစာရင်းဦးစီး ဌာနသို့အဆိုပြုတင်ပြလာသည့်စာရင်းများ အရဒေသတွင်းမဖြစ်မနေဆောင်ရွက်ရ မည့်လုပ်ငန်းများအတွက် ကျပ်သန်း ပေါင်းရှစ်သောင်းကျော်လျာထားလိုက် ကြောင်း သိရသည်။

“အဆိုပြုလာကြတဲ့ စာရင်းအရ သာမန်ရငွေက ၉၄၅၅ ဒသမ ၉၅၂ သန်းပဲရှိတယ်။ သုံးရမှာက ၈၀၉၅၀ ဒသမ ၀၂၇ သန်းဆိုတော့ စုစုပေါင်းလို ငွေပမာဏက ၇၁၄၉၄ ဒသမ ၀၇၅ သန်း ဖြစ်ပါတယ်။ လိုငွေကိုတော့ ပြည် ထောင်စုကဖြည့်ဆည်းပေးရမှာဖြစ်ပါ တယ်။ မဖြစ်မနေဆောင်ရွက်ဖို့လိုအပ်တဲ့ လုပ်ငန်းများအတွက် အသုံးစရိတ်များ ကိုသာလျာထားခြင်းဖြစ်ပါတယ်”ဟု စီမံ ကိန်း၊ ဘဏ္ဍာရေးနှင့် စည်ပင်သာယာရေး ၀န်ကြီးဦးဇော်မင်းကပြောသည်။

ရသုံးခန့်မှန်းခြေငွေစာရင်းနှင့် ပတ်သက်၍ နိုဝင်ဘာလ ၂၀ရက်တွင် ပြုလုပ်သောတိုင်းဒေသကြီးအစိုးရအဖွဲ့ အစည်းအဝေး အမှတ်စဉ် ၄၃/၂၀၁၇၊ ဆုံးဖြတ်ချက်အပိုဒ်(၃၈)ဖြင့် အစိုးရအဖွဲ့ ကသဘောတူညီချက်ပေးခဲ့ပြီး နိုဝင်ဘာ ၂၂ ရက်တွင် တိုင်းဒေသကြီးလွှတ် တော်အရေးပေါ်အစည်းအဝေးသို့ဝန်ကြီး ဦးဇော်မင်းကတင်ပြခဲ့ကြောင်း၊ နိုဝင်ဘာ လ ၂၃ရက်တွင် ဆက်လက်ကျင်းပ သည့်အရေးပေါ်အစည်းအဝေး၌ လွှတ် တော်ကိုယ်စားလှယ်များ၏ထောက်ခံ မှုဖြင့်အတည်ပြုခဲ့ကြောင်း သိရသည်။

“သန်းပေါင်းရှစ်သောင်းကျော်ကို ဘယ်လိုနေရာတွေမှာသုံးမလဲဆိုတော့ လစာနဲ့ခရီးစရိတ်စတဲ့ အခြားမရှိမဖြစ် နေရာတွေမှာသာမန်အသုံးစရိတ်နဲ့သုံး မယ်။ ငွေလုံးငွေရင်းအသုံးစရိတ်နဲ့က တော့ မကွေးတိုင်းဒေသကြီးရဲ့ဒေသဖွံ့ ဖြိုးရေးလုပ်ငန်းတွေမှာ အဓိကသုံးမှာဖြစ် ပါတယ်။ အခြေခံအဆောက်အဦတွေ ဖြစ်တဲ့ ကျေးလက်လမ်းတွေ၊ လျှပ်စစ်မီး ရရှိရေးတွေ၊ မြို့ပေါ်လမ်းတွေ အကုန်လုံး ဖွံ့ဖြိုးတိုးတက်အောင်အဲဒီ့အချက်သုံး ချက်အပေါ်မှာမျှပြီး ဘတ်ဂျက်ကိုရေးဆွဲ ထားပါတယ်”ဟု ၀န်ကြီးဦးဇော်မင်းက ဆိုသည်။

ယခုတောင်းခံသည့်၆လဘတ်ဂျက် ကာလအတွက် အသုံးစရိတ်များကို သေချာစွာစိစစ်တွက်ချက်လျာထားခဲ့ ခြင်းဖြစ်ပြီး သာမန်အသုံးစရိတ်ကျပ် ၃၇၂၈၂ ဒသမ ၅၄၈သန်း၊  ငွေလုံးငွေ ရင်းအသုံးစရိတ် ကျပ် ၄၃၆၆၇ ဒသမ ၄၇၉ သန်း ရှိကြောင်း ၀န်ကြီးဦးဇော်မင်း ထံမှသိရသည်။ ၆လဘတ်ဂျက်မတိုင်မီ ၂၀၁၇- ၂၀၁၈ ဘဏ္ဍာရေးနှစ်လုပ်ငန်း များဆောင်ရွက်ရာတွင် မူလခွင့်ပြုငွေဖြင့် လုံလောက်ခြင်းမရှိသည့်အတွက် ပြည် ထောင်စုသို့ဖြည့်စွက်ခွင့်ပြုငွေကျပ်၂၅၉၁၄ ဒသမ ၁၁၆သန်း တောင်းခံခဲ့ရာဘဏ္ဍာ ရေးကော်မရှင်က ကျပ်သန်း ၂၀၆၈၂ ဒသမ ၅၇၁ သန်းခွင့်ပြုခဲ့ပြီး ငွေကျပ် ၅၂ ၃၁ ဒသမ ၅၄၅ သန်းကို စိစစ်လျှော့ ချခဲ့ကြောင်း လွှတ်တော်အရေးပေါ် အစည်းအဝေးမှ သိရသည်။

စိန်မင်း(မကွေး)

Date: 
Tuesday, November 28, 2017