အခွန်လျှော့ချလိုက်ခြင်းကြောင့် အကြမ်းဖက်သမားများ၊ ငွေမည်းများ ၀င်လာမည်ဆိုသည်မှာမဖြစ်နိုင်ဟု မြန်မာ့စီးပွားရေးလုပ်ငန်းရှင်တို့တုံ့ပြန်

အခွန်လျှော့ချလိုက်ခြင်းကြောင့် အကြမ်းဖက်သမားများ၊ ငွေမည်းများဝင် လာမည်ဆိုသော သုံးသပ်မှုများအပေါ် အကြမ်းဖက်သမားများအနေဖြင့် အခွန် လျှော့ပေါ့ပေးမှုကို စောင့်ကြည့်၍  ၀င် ရောက်လာခြင်း မဟုတ်သဖြင့် တိုက် ရိုက်သက်ဆိုင်ခြင်းမရှိဟု မြန်မာ့စီးပွားရေး လုပ်ငန်းရှင်တို့က တုံ့ပြန်ပြောဆိုလိုက် သည်။   ရန်ကုန်မြို့ရှိ တော်ဝင်နှင်းဆီ ခန်းမ၌ မတ် ၁၉ ရက်တွင် ကျင်းပပြုလုပ် သည့် အခွန်သက်သာ ခွင့်အစီအစဉ် ရွှေ့ ဆိုင်းပါက စီးပွားရေးပြိုလဲနိုင်သည့် အကျိုးဆက်များရှင်းလင်းရာတွင် မြန်မာ့ စီးပွားရေးလုပ်ငန်းရှင်တို့က ပြောဆိုခဲ့ခြင်း ဖြစ်သည်။

““ဒါကြောင့် အခွန်လျှော့တာနဲ့ပတ် သက်ပြီးတော့ ငွေမည်းနဲ့ အကြမ်းဖက် တို့ကို ကြောက်စရာမလိုပါဘူး။ အခွန် လျော့ထား ၃ရာခိုင်နှုန်း၊ ၅ရာခိုင်နှုန်းကို ပုဒ်မ ၂၅ မှာ ပြဋ္ဌာန်းပေးနိုင်ရင် ဆောက် လုပ်ရေးလောကသားတွေ၊ စီးပွားရေး လောကသားတွေအားလုံး အသက်ရှင် ခွင့်ရမှာပါ။ ဒါကိုသတ်မှတ်ပေးဖို့ တင်ပြ တောင်းဆိုလိုပါတယ်””ဟု မြန်မာနိုင်ငံ ဆောက်လုပ်ရေးဆိုင်ရာ လုပ်ငန်းရှင်များ အသင်းချုပ်၏ ဗဟိုကော်မတီဝင်၊ MKT ဆောက်လုပ်ရေးလုပ်ငန်း ဥက်္ကဋ္ဌ ဦးမျိုး မြင့်က ပြောသည်။ အခွန် ၃ရာခိုင်နှုန်း၊ ၅ရာခိုင်နှုန်းပေးဆောင်သည့် ငွေကြေး များထဲ၌ ငွေမည်းများပါလာပါက ယင်း ငွေမည်းမှ ရရှိသည့်ငွေများကို ပြန်လည် ဖော်ထုတ်ပြီး  အရေးယူနိုင်သည်ဟု ဥပဒေ၌အတိအလင်းဖော်ပြထားကြောင်း ဦးမျိုးမြင့်က ဆက်ပြောသည်။

အစိုးရအနေဖြင့် လက်ရှိစီးပွားရေး အခြေနေအမှန်ကို သိရှိရန်လိုအပ်ကာ စီးပွားရေးအခြေအနေ ပြန်လည်သုံးသပ် ရေးကိုလည်းအမြန်ဆုံးအကောင်အထည် ဖော်သင့်ပြီး မြန်မာနိုင်ငံ၏ စီးပွားရေး တုံ့နှေးကျဆင်းနေမှုကို ကုစားရန်  အခွန် အကောက်လျှော့ချခြင်းသည် အချက် တစ်ချက်အနေဖြင့် ပါဝင်သော်လည်း ယင်းကဲ့သို့ လျှော့ချလိုက်ခြင်းမှာလည်း ရာနှုန်းပြည့်ဖြေရှင်းနိုင်သည့် နည်းလမ်း မဟုတ်ကြောင်း မြန်မာနိုင်ငံပြည်သူ့ရေး ရာ စီမံခန့်ခွဲမှု ပညာရပ်ဆိုင်ရာ ကွန်ရက် ဥက်္ကဋ္ဌ ဦးစောလုလုထော်က ပြောသည်။

““စီးပွားရေးကျဆင်းနေတာကို ကယ်ဖို့အတွက် အခြေခံအားဖြင့် သုံးခု ရှိပါတယ်။  အခွန်လျှော့ချရေးရယ်၊ စီးပွားရေးမှာ လည်ပတ်နေတဲ့ငွေကို ပိုမို မြန်မြန်ဆန်ဆန်နဲ့ အလုံးအရင်း လည် ပတ်ရေးရယ်၊ ဘဏ်အတိုးနှုန်းလျှော့ချ ရေးရယ်ဖြစ်ပါတယ်။ ဒီအပေါ်မူတည်ပြီး တော့ တိုင်းပြည်ရဲ့စီးပွားရေးကို ဦးမော့ လာအောင် ဆောင်ရွက်ရမှာဖြစ်ပါတယ်”” ဟု မြန်မာနိုင်ငံ ပြည်သူ့ရေးရာစီမံခန့်ခွဲမှု ပညာရပ်ဆိုင်ရာ ကွန်ရက်ဥက်္ကဋ္ဌ ဦးစော လုလုထော်က ပြောသည်။

အခွန်လျှော့ပေါ့သက်သာခွင့်ပေး ခြင်းအပြင် ဘဏ်တိုးနှုန်းများလည်း လျှော့ချပေးနိုင်ပါက မြန်မာ့စီးပွားရေး ပြန်လည်ဦးမော့လာနိုင်မည်ဖြစ်ပြီး ယင်း ကဲ့သို့ဆောင်ရွက်ပေးနိုင်ခြင်း မရှိပါက ရေရှည်တွင် လုပ်ငန်းများရပ်တန့်လာနိုင် ကြောင်း မြန်မာနိုင်ငံ မော်တော်ယာဉ် ထုတ်လုပ်၊ဖြန့်ဖြူးရောင်းချသူများအသင်း ဥက်္ကဋ္ဌ ဒေါက်တာ စိုးထွန်းက ပြောဆို သည်။

““စီးပွားရေးလုပ်ကိုင်တဲ့ နေရာမှာ ဖြေရှင်းဖို့နည်းလမ်းထဲမှာ အခွန်လျှော့ချ ရေးဆိုတဲ့ အချက်တစ်ချက်ပါတယ်။ အစိုးရအနေနဲ့ လုပ်ငန်း၊ ပရောဂျက်တွေ ကို အကောင်အထည်ဖော်ဖို့ကိစ်္စနဲ့ လုပ် ငန်းရှင်တွေ၊ ပြည်သူတွေကို နှစ်ရှည်ချေး ငွေချေးပေးဖို့ပါတယ်။ အခွန်အကောက် လျှော့ချရေးဆိုတာတော့ တုံ့နှေးနေတဲ့ စီးပွားရေးမှာ ဖြေရှင်းဖို့ အချက်တစ်ချက် အနေနဲ့ ပါပါတယ်။ ဒါပေမဲ့ ဒါကြီးတစ်ခု တည်းကတော့ ဖြေရှင်းချက်မဟုတ်ဘူး။ အခြားဟာတွေကိုလည်း အစိုးရအနေနဲ့ စဉ်းစားဖို့လိုပါတယ်။ အခွန်အကောက် လျှော့ချလိုက်လို့ စီးပွားရေးတက်မလား ဆိုတာက ၁၀၀ ရာခိုင်နှုန်း မသေချာပါ ဘူး။ သီးခြားဥပဒေကြမ်းကို လာမယ့် လွှတ်တော်ကျမှတင်မယ်။ ဒီအခြေအနေ တွေကိုလည်း သက်ဆိုင်ရာ အစိုးရအဖွဲ့ နဲ့ လွှတ်တော်ကို ဆက်လက်တင်ပြသွား မယ်””ဟု မြန်မာနိုင်ငံ မော်တော်ယာဉ် ထုတ်လုပ်၊ဖြန့်ဖြူးရောင်းချသူများအသင်း ဥက်္ကဋ္ဌ ဒေါက်တာစိုးထွန်းကပြောသည်။

ဝင်ငွေရလမ်းမဖော်ပြနိုင်သည့် ငွေ ကြေးများကို ၂၀၁၈-၂၀၁၉ ဘဏ္ဍာနှစ် ပထမခြောက်လတွင် ၃ရာခိုင်နှုန်း၊ ဒုတိယခြောက်လတွင် ၅ ရာခိုင်နှုန်းအခွန် ဆောင်၍ တရားဝင်ငွေကြေးအဖြစ် ပြောင်းလဲနိုင်ရန် ၂၀၁၈ ပြည်ထောင်စု အခွန်အကောက်ဥပဒေမူကြမ်း၌ ထည့် သွင်းခဲ့သော်လည်း နိုင်ငံ့ငွေကြေးစီးဆင်း မှုများတွင် ငွေကြေးခ၀ါချမှု (မူးယစ်ဆေး ၀ါး၊ တရားမ၀င် မှောင်ခိုရောင်းဝယ်မှုမှ ရရှိသည့် ငွေမည်းများ) ပါဝင်လာမည်ကို စိုးရိမ်ခြင်းကြောင့် ယင်းအစီအစဉ်ကို ထည့်သွင်းခြင်းမပြုရန် မတ် ၁၅ရက်တွင် ကျင်းပပြုလုပ်သော ဥပဒေကြမ်းပူးပေါင်း ရေးကော်မတီ အစည်းအဝေး၌ လွှတ် တော်ကိုယ်စားများ ဆွေးနွေးခဲ့ကြောင်း သိရသည်။ 

၂၀၁၈ ပြည်ထောင်စု အခွန် အကောက် ဥပဒေကို စီမံကိန်းနှင့် ဘဏ္ဍာရေးဝန်ကြီးဌာနကရေးဆွဲ၍ ပြည် ထောင်စု လွှတ်တော်သို့ တိုက်ရိုက် တင်သွင်းခြင်းဖြစ်ပြီး ယင်းဥပဒေကို ဧပြီ ၁ ရက်တွင် စတင်ကျင့်သုံးနိုင်မည်ဖြစ် ကြောင်း သိရသည်။  

    ယမုံ(မြစ်မခ)

 

Date: 
Tuesday, March 20, 2018