အချုပ်အခြာအာဏာကို အဓိပ္ပာယ်ဖွင့်ဆိုတာခြင်း မတူတာကလည်း ငြိမ်းချမ်းရေးအရွေ့ကိုကြာစေတယ်

Monday, April 9, 2018 - 15:15

၂၁ ရာစုပင်လုံတတိယအစည်း အဝေးမကျင်းပနိုင်သေးခြင်းမှာ အမျိုးသား အဆင့်နိုင်ငံရေးဆွေးနွေးပွဲများမပြီးပြတ် သေးခြင်းနှင့် အချုပ်အခြာအာဏာအပေါ် အဓိပ္ပာယ်ဖွင့်ဆိုပုံမတူညီကြခြင်းတို့ ကြောင့်လည်းဖြစ်နိုင်ကြောင်း နိုင်ငံရေး လေ့လာသုံးသပ်သူများကဆိုသည်။

NCA စာချုပ်အပိုဒ် ၂၂၊ အပိုဒ်ခွဲ (က) ၌ အမျိုးသားအဆင့်နိုင်ငံရေးဆွေး နွေးပွဲအဆင့်ဆင့်တွင် နိုင်ငံရေးပါတီမှ ကိုယ်စားလှယ်များ၊ လွှတ်တော်ကိုယ်စား လှယ်များ၊ အရပ်ဘက်အဖွဲ့အစည်းကိုယ် စားလှယ်များ၊ တိုင်းရင်းသားလက်နက် ကိုင်ကိုယ်စားလှယ်များအပြင် တပ်မတော် ကိုယ်စားလှယ်များလည်း ပါဝင်ရမည်ဟု ပြဋ္ဌာန်းထားသော်လည်း ပြည်နယ် အဆင့်ဆွေးနွေးပွဲအချို့တွင် တပ်မတော် ကိုယ်စားလှယ်များကိုမဖိတ်ခေါ်မိသည် များရှိကြောင်း မြန်မာ့နိုင်ငံရေးလေ့လာ သုံးသပ်သူဦးရန်ကျော်ကပြောသည်။

“NCA ကပြဋ္ဌာန်းထားပေမယ့် စစ်တပ်  ကိုထည့်ပြီး မခေါ်မိလိုက်တဲ့ ပြည်နယ် အဆင့်ပွဲတွေရှိတယ်။ အမျိုးသားအဆင့် ဆွေးနွေးပွဲတွေ အားလုံးပြီးမှသာလျှင် အောက်ခြေလူထုအသံစုံပါဝင်နိုင်မှာဖြစ် ပါတယ်။ အခုက မပြီးသေးဘူး။ နောက် အမြင်တစ်ခုကို ပြောရရင်တော့ အချုပ် အခြာအာဏာဆိုတဲ့ စကားလုံးကို အဓိပ္ပာယ်ဖွင့်တာဟိုဘက်နဲ့ ဒီဘက်မတူ ဘူး။ ဥပမာ ကချင်ပြည်နယ်ထဲကို ဗမာ တပ်တွေ (သူတို့အခေါ်) ၀င်လာပြီဆိုရင် ဒါသူတို့အချုပ်အခြာကိုထိပါးတာ၊ ဒီဘက်  ကကျတော့လည်း တပ်မတော်သည်တစ် နိုင်ငံလုံးနဲ့ဆိုင်တယ်။ ဒီလိုအချုပ်အခြာ အာဏာကို အဓိပ်္ပာယ်ဖွင့်ဆိုတာခြင်း မတူတာကလည်း ငြိမ်းချမ်းရေးအရွေ့ကို ကြာစေတယ်။ဖြစ်ချင်တာကိုပဲ အသေဆုပ်  ကိုင်ပြီး လုပ်ကိုင်နေကြဦးမယ်ဆိုရင်တော့ ငြိမ်းချမ်းရေးဟာ အလှမ်းဝေးနေဦးမှာပဲ” ဟု ဦးရန်ကျော်ကဆိုသည်။

အမျိုးသားအဆင့်နိုင်ငံရေးဆွေးနွေး ပွဲများပြီး လျှင်လည်းလုပ်ငန်းကော်မတီ အစည်းအဝေးနှင့် UPDJC အစည်းအဝေး  တို့ကျန်ရှိသေးကြောင်း၊ စေ့စပ်ညှိနှိုင်းမှု မရှိဘဲ ညီလာခံလုပ်လျှင် အကျိုးထက် အပြစ်ကပိုများနိုင်ကြောင်း UPDJC  အတွင်းရေးမှူးအဖွဲ့ဝင်၊ ရှမ်းတိုင်းရင်းသား  များ ဒီမိုကရေစီအဖွဲ့ချုပ်(SNLD) တွဲ ဖက်အတွင်းရေးမှူး (၂) စိုင်းကျော်ညွန့် ကမီဒီယာများအားပြောကြားခဲ့သည်။

ဇော်မြင့်