အစိုးရသစ်လက်ထက် (၅)နှစ်သက်တမ်းအတွင်း ဆည်အသစ်များ ထပ်မံတည်ဆောက်မည်မဟုတ်

Author: 
Admin
Date: 
Thursday, July 28, 2016

အစိုးရသစ်လက်ထက် (၅)နှစ်သက်တမ်းအတွင်း ဆည်အသစ်များ ထပ်မံတည်ဆောက်မည်မဟုတ်

အမျိုးသားဒီမိုကရေစီအဖွဲ့ချုပ် အစိုးရသစ်လက်ထက်(၅)နှစ်သက်တမ်း အတွင်း ဆည်အသစ်များထပ်မံတည် ဆောက်မည်မဟုတ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ သိရှိရသည်။
မြန်မာနိုင်ငံတွင် ၁၉၈၈ ခုနှစ်မှ စတင်၍ ဆည်များဆောက်လုပ်ခဲ့ရာ လက်ရှိအချိန်အထိ (၂၈)နှစ်ကြာမြင့်ခဲ့ သော်လည်း ဆည်ဆောက်လုပ်ခြင်း ကြောင့် နိုင်ငံအတွက် သိသာစွာတိုးတက် ခြင်းမရှိသဖြင့် ဆည်အသစ်တည် ဆောက်မှုကို ရပ်တန့်ရခြင်းဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်း ၀န်ကြီးဌာနမှ ဒုတိယ၀န်ကြီး ဒေါက်တာ ထွန်းဝင်းက ပြောသည်။
““နိုင်ငံတော်အစိုးရဘတ်ဂျက်ရဲ့ ၉၀ ရာခိုင်နှုန်းကို ဆည်တွေဆောက်ဖို့ပဲ နှစ်တိုင်းယူသုံးသွားတယ်။ ၁၉၈၈ ခုနှစ် ကတည်းက ၂၈ နှစ်ကြာတာပေါ့။ ယူသုံး သွားတာ။ သုံးသော်လည်း ဘာမှမတိုး တက်ပါဘူး။ ဆည်ဆောက်ခြင်းအားဖြင့် တိုင်းပြည်ကို အခုထိထင်သာမြင်သာ အောင် မတိုးတက်နိုင်သေးဘူး”” ဟု ဒုတိယ၀န်ကြီး ဒေါက်တာ ထွန်းဝင်းက ပြောသည်။ မြန်မာနိုင်ငံတွင် ဆည်များမ ဆောက်လုပ်သေးချိန် ၁၉၉၀ ခုနှစ်က တရုတ်နိုင်ငံသို့ ဆန်တန်ချိန်(၁.၅)သန်း တင် ပို့နိုင်ခဲ့ရာမှ ၂၀၁၅ ခုနှစ်အထိလည်း (၁.၅)သန်းသာ နှစ်စဉ်တင်ပို့နေပြီး ပြောင်းလဲမှုမရှိသည့်အတွက် ဆည်များ ထပ်မံဆောက်လုပ်မည် မဟုတ်ကြောင်း ဒုတိယ၀န်ကြီး ဒေါက်တာထွန်းဝင်းက ပြောသည်။
““ကျွန်တော်တို့ဒေသမှာ ဆည်က စိုက်ပျိုးရေးလုပ်ငန်းအတွက်သုံးပုံတစ်ပုံ လောက်ပဲအသုံးဝင်တယ်။ ဆည်မရှိ လည်းဖြစ်တယ်။ အ၀ီစိတွင်းတူးပြီး စိုက်ပျိုးလို့ရတယ်။ အရင်တုန်းက ဆည် တွေမရှိခင်ကလည်း အ၀ီစိတွင်းတွေ ကရေနဲ့ပဲ စိုက်နေရတယ်”” ဟု စစ်ကိုင်း တိုင်းဒေသကြီး၊ ခင်ဦးမြို့နယ်မှ တောင်သူ ဦးဝင်းသန်းက ပြောသည်။
လက်ရှိအစိုးရလက်ထက်တွင် ဆည် ရေများကို နွေစပါးစိုက်ပျိုးရေးအတွက် သာမက မိုးစပါးစိုက်ပျိုးရေးလုပ်ငန်း များတွင်လည်း အသုံးပြုသွားမည်ဖြစ် ကြောင်း သိရသည်။ 
““ဆည်ဆိုရင် နွေစပါးပဲစိုက်ရမယ် ဆိုတဲ့ ဒီစကားရဲ့အယူအဆကြောင့် လယ်သမားမှာကြောက်ရွံ့စိတ်နဲ့ ဆည်က ရေကို တောင်းသုံးရမှာကို တောင်းမသုံး ဘဲနဲ့ တစ်ခါတည်း ချဉ်သီးပင်အောက် ချဉ်သီးရှားပြီးတော့ မိုးခေါင်တဲ့အခါရှိ တယ်။ ရေငတ်တဲ့အခါရှိတယ်။ မိုးရွာတဲ့ အခါရှိတယ်။ မိုးဆိုတာ မသေချာဘူး”” ဟု ဒုတိယ၀န်ကြီး ဒေါက်တာထွန်းဝင်း က ပြောသည်။
တောင်သူလယ်သမားများ မိုးစပါး အတွက်အသုံးပြုလိုသည့်အချိန်နှင့် စိုက် ပျိုးလိုသည့်အချိန်များတွင် ဆည်များမှ ရေပေးဝေပေးရန်အတွက်လည်း ပြည် နယ်နှင့် တိုင်းဒေသကြီးများရှိ ဆည် မြောင်းဦးစီးဌာနများထံ အမိန့်ထုတ် ပြန်ထားပြီးဖြစ်ကြောင်း သိရသည်။
““မိုးခေါင်လို့ရေငတ်လာပြီဆို ဘေး နားကချောင်းထဲမြောင်းထဲ အနိမ့်က မြေအောက်ရေတူးတယ်။ ဘေးမှာလျှံနေ တဲ့ဆည်ရေကိုမယူရဲဘူး။ မတောင်းရဲဘူး လေ။ သူရဲ့ဗျူရိုကရေစီက ပေးထားပြီး သားကိုး။ ဆည်သမားဆီသွားတောင်းရ မှာကိုလည်း လယ်သမားကကြောက်ရွံ့ တယ်လေ။ ဆိုတော့ ဒီကြောက်ရွံ့စိတ် တွေ၊ မလိုလားအပ်တာတွေကိုဖယ်ရှား ပြီး၊ ဆည်ရေကို မိုးစိုက်စပါးအတွက်ရော သုံးချင်တဲ့အချိန်၊ စိုက်ချင်တဲ့အချိန် လယ်သမားကိုပေးပါဆိုပြီးတော့ အမိန့် ထုတ်လိုက်ပြီ”” ဟု ဒေါက်တာထွန်းဝင်းက ပြောသည်။
ဆည်မှတာဝန်ရှိသူများမှာလည်း VIP လူကြီးများလာပါက ဆည်ရေရှိမှ ဆိုသည့် အယူအဆများရှိကာ ဆည်ရေ သည် စိုက်ပျိုးရန်မဟုတ်ဘဲ လူကြီးလာ ပါက ပြဖို့အတွက်သာထားသည့်အယူ အဆများရှိနေခြင်းကြောင့်လည်း စိုက်ပျိုး တောင်သူများအတွက် နစ်နာမှုများရှိနေ ကြောင်း ဒေါက်တာထွန်းဝင်းက ဆက် ပြောသည်။
မြန်မာနိုင်ငံတွင် လက်ရှိနွေစပါး စိုက်ပျိုးဧရိယာ(၂)သန်းခန့်ရှိပြီး မိုးစပါး စိုက်ပျိုးဧရိယာ(၁၅)သန်းကျော်ရှိခြင်း ကြောင့် မိုးစပါးကို အဓိကထားစိုက်ပျိုး ရန်လိုအပ်နေကြောင်း ဒေါက်တာထွန်း ၀င်းက ပြောသည်။ မင်းအောင်မြင်(မြစ်မခ)
Hot News Journal