ရေရှည်တည်တံ့မျှတသော ဖွံ့ဖြိုးတိုးတက်မှုကို ပါတီမူဝါဒအဖြစ် ကျင့်သုံးမည်ဟု ဦးကိုကိုကြီးဆို

Tuesday, February 13, 2018 - 12:00

ပါတီ မှတ်ပုံတင် လျှောက်ထားဆဲ ဖြစ်သည့် ရှစ်လေးလုံးပါတီက တိုင်းပြည် စီးပွားရေးကို အာရုံစိုက်သွားမည်ဖြစ်ပြီး ရေရှည်တည်တံ့မျှတသော ဖွံ့ဖြိုးတိုးတက် မှုကို ပါတီမူဝါအဖြစ် ကျင့်သုံးမည်ဖြစ် ကြောင်း နိုင်ငံရေးပါတီဖြစ်မြောက်ရေး ဗဟိုတာဝန်ခံ ဦးကိုကိုကြီးက ပြောသည်။

ဖေဖော်ဝါရီ ၁၁ ရက်က ပြုလုပ် ခဲ့သည့် မန္တလေးတိုင်းဒေသကြီး နိုင်ငံရေး ပါတီရုံးခန်းဖွင့်ပွဲ၌ ယင်းသို့ ထည့်သွင်း ပြောကြားလိုက်ခြင်းဖြစ်ပြီး နိုင်ငံရေးအရ တန်းတူညီမျှမှု၊ ဖက်ဒရယ်ပြည်ထောင်စု၊ ရေရှည်တည်တံ့ရေးအရ တန်းတူညီမျှမှု၊ ဖက်ဒရယ်ပြည်ထောင်စု၊ ရေရှည်တည် တံ့မျှတသည့် ဖွံ့ဖြိုးတိုးတက်မှုနှင့် မူးယစ် ဆေးဝါးကို အမျိုးသားရေး အန်္တရာယ် အဖြစ် တိုက်ဖျက်သွားရန်တို့ကို ပါတီ မူဝါဒအဖြစ် ချမှတ်သထားကြောင်း သိရ သည်။

““ကျွန်တော်တို့က တိုင်းပြည် စီးပွား ရေးကို အာရုံစိုက်ဖို့လိုပါတယ်။ ဖွံ့ဖြိုး တိုးတက်ရေးဟာ အဓိက ကျပါတယ်။ အဲဒီ ဖွံ့ဖြိုးတိုးတက်ရေးနဲ့ ပတ်သက်လို့ ရေရှည်တည်တံ့မျှတသော ဖွံ့ဖြိုးတိုးတက် မှုဆိုတာကို ပါတီရဲ့ မူဝါဒအဖြစ် ကျင့် သုံးပါမယ်။ နောက်တစ်ခုက ဒီမိုကရက် တစ် ဖက်ဒရယ်ပြည်ထောင်စု တည် ထောင်ရေး ပေါ်ထွန်းရေးဟာ ကျွန် တော်တို့ရဲ့ အခြေခံကျတဲ့ မူဝါဒဖြစ်ပါ တယ်”” ဟု ဦးကိုကိုကြီးက ပြောသည်။

နိုင်ငံရေးပါတီ ဖြစ်မြောက်ရေး ရုံးခန်းများကို တိုင်းနှင့် ပြည်နယ်အနှံ ဖွင့် လှစ်လျက်ရှိပြီး တိုင်းရင်းသားပါတီများနှင့် မဟာမိတ် ဆက်ဆံရေးထူထောင်ကာ တိုင်းရင်းသား အခွင့်အရေးနှင့် နိုင်ငံသား အခွင့်အရေးတို့ကို အထူးအလေးပေး ဖော်ဆောင်သွားမည်ဖြစ်ကြောင်း သိရ သည်။                        ဇော်မြင့်