ပြည်သူ့ထောက်ခံမှုကိုရဖို့ စကားပြောကောင်းရုံနဲ့မရပါဘူး

Tuesday, February 20, 2018 - 15:00

နိုင်ငံရေးပါတီတစ်ရပ်ကြံ့ခိုင်သန်စွမ်း ရန် ပြည်သူများ၏ထောက်ခံမှုပေါ်မူ တည်ပြီး ပြည်သူ့ထောက်ခံမှုကိုရရှိရန် စကားပြောကောင်းရုံဖြင့်မရကြောင်း နိုင်ငံ ရေးပါတီဖြစ်မြောက်ရေးဗဟိုတာဝန်ခံ ဦးကိုကိုကြီးကပြောသည်။

နိုင်ငံရေးပါတီဖြစ်မြောက်ရေး သာကေတမြို့နယ်ရုံးခန်းဖွင့်ပွဲကို ဖေဖော် ၀ါရီ ၁၈ ရက်တွင် သာကေတမြို့နယ်၊ ဇင်္ဂမလမ်း၊ ၁/ထူပါရုံရပ်ကွက်၌ကျင်းပ ခဲ့ရာ ဦးကိုကိုကြီးကအဖွင့်အမှာစကား ပြောကြားရာတွင် ယင်းသို့ထည့်သွင်း ပြောကြားခဲ့ခြင်းဖြစ်သည်။

“မြို့နယ်အဆင့်ဟာ နိုင်ငံရေးပါတီ တစ်ခုရဲ့ အခြေခံကျောရိုးပဲဖြစ်ပါတယ်။ ပါတီဝင်အင်အားစုဆောင်းတယ်ဆိုတာ ပါတီဝင်အင်အားရချင်ရုံသက်သက်မဟုတ် ပါဘူး။ ဖြစ်ပေါ်လာမယ့် ပါတီကဘယ် လောက်ဝန်ဆောင်မှုပေးနိုင်သလဲ၊ ပြည်သူ လူထုအတွက် ဘယ်လောက်ကိုယ်စားပြု ပေးနိုင်သလဲဆိုတာ တကယ့်အနှစ်သာရ ဖြစ်ပါတယ်။ ဒါကြောင့် ပါတီဝင်အင် အားစုစည်းတယ်ဆိုတာအရေအတွက်ရ အောင်စုစည်းတာထက်ဘယ်လောက်များ များအကျိုးဆောင်ပေးနိုင်သလဲဆိုတာကို သက်သေပြရမှာဖြစ်ပါတယ်။ ဒီမိုကရေစီ ကို သခင်ဘသောင်းကကာတွန်းလေးနဲ့ ပုံဖော်ခဲ့ဖူးပါတယ်။ လှည်းပေါ်မှာစီးနေ တာပြည်သူတွေဖြစ်ပါတယ်။ ပြည်သူတွေ ကို ၀န်ဆောင်မှုပေးပြီး ရုန်းနေရတာအစိုး ရဖြစ်ပါတယ်။ အဲဒီတော့နိုင်ငံရေးပါတီ ဆိုတာယေဘုယျပြောရရင်လုပ်ပိုင်ခွင့်ရ ဖို့အတွက် တာဝန်ထမ်းဆောင်ခွင့်ရဖို့ အတွက် ပြည်သူတွေဆီမှာ အခွင့်အာဏာ တောင်းယူရတာဖြစ်ပါတယ်။ ကြည် ကြည်ဖြူဖြူနဲ့ခိုင်းပြီဆိုရင် ပြည်သူတွေကို လှည်းပေါ်တင်ပြီး ကျွန်တော်တို့ရုန်းရမှာ ဖြစ်ပါတယ်။ ပြည်သူတွေက နောက်က နေ အစိုးရသွားနေတဲ့လမ်းကြောင်းမှား နေပြီဆိုရင် ရှေ့သွားခိုင်းတာ၊ ဘယ်ကွေ့ ခိုင်းတာ၊ ညာကွေ့ခိုင်းတာကိုပြည်သူက ခိုင်းပါမယ်။ အဲဒါကျွန်တော်တို့ယုံကြည် မျှော်မှန်းတဲ့ ဒီမိုကရေစီရဲ့အနှစ်သာရပဲ ဖြစ်ပါတယ်။ နိုင်ငံရေးပါတီတစ်ရပ်ကြံ့ခိုင် သန်စွမ်းဖို့ဆိုတာ ပြည်သူတွေရဲ့ထောက် ခံမှုပေါ်မူတည်ပါတယ်။ ပြည်သူ့ထောက် ခံမှုကိုရဖို့ဆိုတာ စကားပြောကောင်းရုံနဲ့ မရပါဘူး။ လက်တွေ့ဘယ်လောက်လုပ် နိုင်သလဲဆိုတဲ့အပေါ်မှာအကဲဖြတ်တာဖြစ် ပါတယ်။ စကားပြောကောင်းရုံနဲ့ရရင် တစ်ပွဲထိုးပဲရပါလိမ့်မယ်။ ရေရှည်မရပါ ဘူး”ဟု ဦးကိုကိုကြီးကပြောသည်။ သာ ကေတမြို့နယ်ရုံးခန်းဖွင့်ပွဲသို့ ဒီမိုကရေစီ မြတ်နိုးသူတစ်ရာကျော်တက်ရောက်ခဲ့ကြ ပြီး တာဝန်ခံများကလည်းအမှတ်တရ စကားများပြောကြားခဲ့ကြသည်။   ဇော်မြင့်