နိုင်ငံရေးပါတီထူထောင်ရန် ဦးတည်ချက်မဖြစ်ဖြစ်အောင် အကောင်အထည်ဖော်သွားမည်

Tuesday, June 26, 2018 - 18:30
နိုင်ငံရေးပါတီလျှောက်ထားခြင်းကို အမည်၊ အလံ၊ အမှတ်တံဆိပ်တုိ့ ကန့် ကွက်ခံရသဖြင့် ပြောင်းလဲလျှောက်ထား ပေးရန် ပြည်ထောင်စုရွေးကောက်ပွဲကော် မရှင်က အကြောင်းကြားထားသဖြင့် ရှစ် လေးလုံးပြည်သူ့ပါတီအမည် ပယ်ဖျက်ခံ ထားရသည့် နိုင်ငံရေးပါတီဖြစ်မြောက် ရေးကော်မတီ(ဗဟို)က တိုင်းနှင့်ပြည်နယ် အသီးသီးမှ ကိုယ်စားလှယ်များကို ခေါ် ယူကာ ပဏာမစုံညီအစည်းအဝေးတစ်ရပ် ကျင်းပခဲ့ကြောင်း သိရသည်။
ယင်းပဏာမစုံညီအစည်းအဝေးကို တောင်ဥက်္ကလာပမြို့နယ်၊ သုမင်္ဂလာလမ်း၊ ၉ ရပ်ကွက်ရှိ နိုင်ငံရေးပါတီဖြစ်မြောက် ရေးကော်မတီ(ဗဟို)ရုံး၌ ဇွန် ၂၄ ရက် တွင် ပြုလုပ်ခဲ့ဖြစ်ပြီး တိုင်းနှင့်ပြည်နယ် ကိုယ်စားလှယ် ၅၀ ဦးခန့် တက်ရောက် ဆွေးနွေးခဲ့ကြသည်။
လူတစ်စုကဆုံးဖြတ်ပြီးမှ အသိပေး သည့်ပုံစံမဟုတ်ဘဲ ကျယ်ကျယ်ပြန့်ပြန့် အတတ်နိုင်ဆုံး သဘောထားရယူပြီးမှ ဆုံးဖြတ်သည့် ဒီမိုကရေစီအလေ့အကျင့် အတိုင်း ဆောင်ရွက်ခြင်းဖြစ်ကြောင်း၊ နိုင်ငံရေးပါတီတစ်ရပ်ထူထောင်ရန် ဦးတည်ချက်ကို မဖြစ်ဖြစ်အောင် အကောင်အထည်ဖော်သွားရန် သန်္နိဋ္ဌာန် ချထားကြောင်း နိုင်ငံရေးပါတီဖြစ်မြောက် ရေးကော်မတီတာဝန်ခံဦးကိုကိုကြီးက ပြောသည်။
““အားလုံးက နှစ်ပေါင်းသုံးဆယ်ဖြတ် သန်းခဲ့ပြီးတော့ မိုးထဲရေထဲမှာ အခက် အခဲမျိုးစုံကို ရင်ဆိုင်ခဲ့ပြီးတဲ့ ရဲဘော်တွေ ဖြစ်တဲ့အတွက်ကြောင့် အခု ကျွန်တော် တို့အမိုးနဲ့အကာနဲ့ ကြုံရတဲ့ အခက်အခဲ လောက်ကတော့ သိပ်မှုနေမှာမဟုတ်ဘူး လို့ ယုံကြည်ပါတယ်။ ပါတီထူထောင်ဖို့ စပြီးကြိုးစားကတည်းက ကျွန်တော်တို့ သတ်မှတ်ထားတဲ့မူဟာ အရေးကြီးတဲ့ ဆုံးဖြတ်ချက်တွေ လုပ်တော့မယ်ဆိုရင် လူတစ်စုနဲ့ ကိုယ့်ဘာကိုယ်ဆုံးဖြတ်ပြီးမှ အသိပေးတယ်ဆိုတာမျိုးမဟုတ်ဘဲနဲ့ ကျယ်ကျယ်ပြန့်ပြန့် အတတ်နိုင်ဆုံး သဘောထားရယူပြီးမှ ဆုံးဖြတ်တယ်ဆို တဲ့ ဒီမိုကရေစီအလေ့အကျင့်ကို ဆောင် ရွက်ခဲ့တာဖြစ်တဲ့အတွက်ကြောင့် အခုလို အစည်းအဝေးခေါ်ရခြင်း ဖြစ်ပါတယ်။ ဒီနေရာ သေချာတာတစ်ခုကတော့ ကျွန် တော်တုိ့ နှစ်သုံးဆယ်လုံးလုံး ဘာဆိုင်း ဘုတ်မှ ဘာအမိုးအကာမှမရှိဘဲနဲ့ ကြံ့ကြံ့ ခံပြီးတော့ ရပ်တည်ခဲ့တယ်။ အခုဟာ နိုင်ငံရေးအရ အဆင့်တစ်ဆင့်ကို ကူး ပြောင်းတော့မှာဖြစ်တဲ့အတွက် နိုင်ငံရေး ပါတီထူထောင်ဖို့ နိုင်ငံရေးပါတီထူထောင် ပြီးတော့ ကိုယ့်ရဲ့အယူအဆ၊ ကိုယ့်ရဲ့ စိတ်စေတနာတွေ၊ ကိုယ့်ရဲ့စိတ်ကူးစိတ် သန်းတွေကို ပြောဆိုနိုင်တဲ့ စင်တစ်ခု၊ စပီ ကာတစ်ခုရဖို့အတွက်ဆိုရင် ဦးတည်ချက် ကိုတော့ မပျောက်အောင်၊  မဖြစ်ဖြစ် အောင် အကောင်အထည်ဖော်သွားဖို့ သန်္နိဋ္ဌာန်ချထားတယ်ဆိုတာ ပြောချင်ပါ တယ်””ဟု ဦးကိုကိုကြီးက ပြောသည်။
ယင်း ပဏာမစုံညီအစည်းအဝေး တွင် တက်ရောက်လာသည့်ကိုယ်စား လှယ်များက အမည်၊ အလံ၊ အမှတ် တံဆိပ်တို့ပြောင်းလဲပေးရန်နှင့် ဇူလိုင် ၈ ရက်တွင် မန်္တလေးမြို့၌ လူတစ်ရာကျော် တက်ရောက်မည့် စုံညီအစည်းအဝေး ကျင်းပပြုလုပ်ပြီး  ဆုံးဖြတ်သွားရန် သဘောထားပေးကြကြောင်း သိရသည်။
အစည်းအဝေးအပြီး မီဒီယာများနှင့် တွေ့ဆုံစဉ် “အရေးကြီးတာက နာမည် ထက်ကို ကျွန်တော်တို့ပါတီမူဝါဒ၊ ဆောင် ရွက်ချက်တွေ၊ ကျွန်တော်တို့လမ်းစဉ်တွေ ပေါ်လာဖို့၊ ထိထိရောက်ရောက် ဆောင် ရွက်နိုင်ဖို့က အဓိကဖြစ်တယ်””ဟု ဦးကိုကို ကြီးကဆိုသည်။
ကော်မရှင်က  ပေးထားသည့် နောက်ဆုံးရက်မှာ ဇူလိုင် ၁၃ ရက်ဖြစ် သဖြင့် ၈ ရက်အစည်းအဝေးပြီးသည်နှင့် နေပြည်တော်သို့သွားရောက်၍ရွေးချယ် လိုက်သည့် ပါတီအမည်သစ်၊ အလံ၊ တံဆိပ်တို့ တင်ပြသွားမည်ဖြစ်ကြောင်း သိရသည်။                      ဇော်မြင့်