ကမ္ဘာ့ဘဏ်ချေးငွေဆိုတာ ပြည်သူတွေပြန်ဆပ်ရမှာဖြစ်လို့ အစိုးရအကောင်အထည်ဖော်တာကို ပြည်သူတွေ စောင့်ကြည့်သင့်တယ်

ရန်ကုန်တိုင်းဒေသကြီးအတွက် ကမ်္ဘာ့ဘဏ်က အတိုးမဲ့ချေးငွေများ ထုတ်ချေးခြင်းနှင့်ပတ်သက်၍ ရန်ကုန်တိုင်းဒေသကြီးလွှတ်တော်၌ မေးခွန်းမေးခဲ့သော ဆိတ်ကြီးခနောင်တိုမြို့နယ်မှ တိုင်းဒေသကြီးလွှတ်တော် ကိုယ်စားလှယ် ဒေါ်စန္ဒာမင်းနှင့် တွေ့ဆုံမေးမြန်းခဲ့ပါသည်။

အစ်မပြောသွားသလို ဈေးတွေကို အဓိထားပြီး လုပ် မယ်ဆိုရင် ဘာတွေ ဖြစ်နိုင်ပါလဲ။

သဘာဝဘေးအန်္တရာယ် ဖြစ်လာရင်၊ ဗိုလ်ချုပ်ဈေး ထဲမှာ ခိုလှုံလို့ရမှာလား။ ဒါမှ မဟုတ်ရင် ဗိုလ်ချုပ် ဈေးနဲ့ ကျောင်းဝန်းကြီထဲကို ၀င်ပြေးပြီး ခိုလှုံရမှာ လားဆိုတာကို ကျွန်မတို့ ထောင့်ပေါင်းစုံက စဉ်းစား တယ်။ ကျွန်မတို့ဟာ ဗိုလ်ချုပ်ဈေးကြီးကို မပြင်ဆင် သင့်ဘူးလို့ ပြောနေတာ မဟုတ်ဘူး။ ဗိုလ်ချုပ်ဈေး တို့၊ သိမ်ကြီးဈေးတို့ ပြင်တဲ့အားလုံးက နှစ်စဉ်၊ နှစ်စဉ် ပြင်ဆင်ဖို့အတွက် စရိတ်တွေ ဘတ်ဂျက်တောင်းတဲ့ အထဲမှာ ပါပြီးသားဖြစ်တယ်။ အဲဒီ ငွေနဲ့ ထိန်းသိမ်း သွားလို့ရတယ်။ ဒါပေမဲ့ ကမ်္ဘာ့ဘဏ်ရဲ့ ချေးငွေနဲ့ ပြင်ဆင်မယ်ဆိုရင် ဒီချေးငွေတွေက ပြည်သူတွေက ပြန်ဆပ်ကြရမှာဖြစ်တယ်။ ချေးငွေကိစ်္စကို တင်က တည်းက ပြည်သူတွေအတွက် ဦးစားပေးတင်ဖို့ လိုအပ်တယ်ဆိုတဲ့ အဆိုကို ကျွန်မ အနေနဲ့ ဆွေးနွေး ခဲ့တာဖြစ်တယ်။

ရန်ကုန်တိုင်းဒေသကြီး အစိုးရ အကောင် အထည်ဖော် ဆောင်ရွက်နေတာကို ဘယ်လောက် အားရကျေနပ်ပါသလဲခင်ဗျ။

တချို့ကိစ်္စတွေက long time ကိုကြည့်ရပါမယ်။ ရေရှည်ကို ကြည့်ပြီး ဆောင်ရွက်မှသာ အောင်မြင် တယ်လို့ ပြောလို့ရတဲ့ ကိစ်္စမျိုးတွေ ဖြစ်နိုင်ပါတယ်။ ကျွန်မရဲ့ အမြင်ကတော့YBS လို ကိစ္စမျိုးကို တချို့ တွေက မအောင်မြင်ဘူးလို့ ပြောတာရှိသလို၊ တချို့ တွေက အောင်မြင်သွားတယ်လို့ ပြောတာရှိတယ်။ ဒါပေမဲ့ ပြောင်းလဲမှု တစ်ခုအတွက် အောင်မြင်သွား မယ်လို့ ပြောလို့ရပါတယ်။ ဒီကိစ္စက ရေရှည်ကြည့် ရမယ့် ကိစ္စမျိုး ဖြစ်နေတယ်။ YBS  လို ကိစ္စမျိုးကို လွှတ်တော်ကို တင်ပြပြီးတော့ အခြေအတင် ဆွေး နွေးရင် ကျွန်မတို့က ဘယ်လို အစီအစဉ်တွေလုပ် ထား၊ မထသကနေ YBS  ကို ပြောင်းမယ်ဆိုရင် ကျွန်မတို့က ထောင့်ပေါင်းစုံကနေ ဆွေးနွေးချင်တယ်။ လွှတ်တော်မှာ ဆွေးနွေးပြီးတော့ အစီအစဉ်အများ ကြီးကို ကြိုတင်ပြင်ဆင်ထားပြီး အချိန်ယူ ဆောင် ရွက်ထားရင်တော့ ဘယ်အချိန်မှာ စံနစ်တစ်ခုကို ပြောင်းလိုက်မယ်ဆိုရင်တော့ ဒီထက်ပိုပြီး အောင်မြင် မယ်လို့ ထင်ပါတယ်။ အခုဟာက တိုင်းဒေသကြီး အစိုးရတက်တက်ချင်းမှာပဲ သူ့ရဲ့ ခေါင်းတစ်ခုတည်း နဲ့ လုပ်ဆောင်သွားတာဖြစ်တဲ့အတွက် အောင်မြင် သင့်သလောက် မအောင်မြင်ဘူးလို့ မြင်ပါတယ်။

ကမ်္ဘာ့ဘဏ် ချေးငွေတွေနဲ့ လုပ်ငန်းဖော်ဆောင်တဲ့ အခါမှာ ဘယ်လို စည်းကြပ်မှုမျိုးတွေနဲ့ သွားသင့် တယ်ဆိုတာကို ဘယ်လို အကြံပြုချင်ပါသလဲခင်ဗျာ။

ကျွန်မတို့ အဲဒါကို မသိရပါဘူး။ ကျွန်မကို ဆိုလို့ရှိရင် လွှတ်တော်ထဲမှာရော၊ စည်ပင်သာယာ ၀န်ကြီးနဲ့ တွေ့တဲ့အခါမှာရော ဒေါ်စန်္ဒာမင်းကို အဖွဲ့ဖွဲ့ ပြီးတော့ ဒီငွေတွေကို ဘယ်လိုသုံးမယ်၊ အကောင် အထည်ဖော် ဆောင်ရွက်မယ်ဆိုတာကို ကော်မတီ တွေ ဖွဲ့ပြီးတော့ လုပ်ဆောင်မှာပါ။ ဒီကော်မတီတွေ ထဲမှာ ထည့်မယ်ဆိုတာကို ပါးစပ်နဲ့ပဲပြောပါတယ်။ တရားဝင် စာထုတ်ပြီးတော့ ဖွဲ့မယ်ဆိုပြီး ပြောပေမဲ့ တကယ်လက်တွေ့မှာ ကျွန်မတို့ကို အသိအမှတ်ပြု တာ မရှိပါဘူး။ ဒါပေမဲ့ ကျွန်မတို့ကို ဘယ်လို အသိ အမှတ်ပြုပြု မပြုပြုပါ။ ကျွန်မတို့ ပါရသည် ဖြစ်စေ၊ မပါရသည် ဖြစ်စေ စီမံကိန်း၊ စီမံအုပ်ချုပ်ရတဲ့ဟာ မျိုးကိုတော့ သိထားသင့်တယ်လို့ ထင်ပါတယ်။ လက်ရှိ စည်ပင်သာယာ ၀န်ကြီးအနေနဲ့ လွှတ်တော် ထဲမှာ ရှင်းပြသွားတာလည်း မရှိပါဘူး။ ဒါပေမဲ့ ဒီကိစ်္စ သည်၊ ရန်ကုန်တိုင်းဒေသကြီးရဲ့ လွှတ်တော်ကိုစား လှယ်တွေ သိသင့်တယ်။ ပြည်ထောင်စုလွှတ်တော် မှာ ၀န်ကြီးဆွေးနွေးခဲ့တာကို ကျွန်မတို့ ထုတ်ယူပြီး တော့ ကြည့်ပါတယ်။ ဒီစီမံကိန်းကို ဖွဲ့စည်းအုပ်ချုပ် ပုံက ဆိုရင် အမျိုးသား သဘာဝ ဘေးအန်္တရာယ် စီမံခန့်ခွဲမှု ကော်မတီဆိုပြီးတော့ ဖွဲ့စည်းမှာ ဖြစ်ပါ တယ်။ အဲဒီမှာ ရန်ကုန်တိုင်း ၀န်ကြီးချုပ်က ဥက်္ကဋ္ဌ အဖြစ် ဆောင်ရွက်ပြီးတော့ အဲဒီအဖွဲ့ထဲမှာ တိုင်း ဒေသကြီးရဲ့ အခြားသော ၀န်ကြီးများလည်း ပါပါမယ် လို့ သိရပါတယ်။ အတွင်းရေးမှူးအဖြစ် ရန်ကုန်မြို့ တော်ဝန်က ဆောင်ရွက်မှာဖြစ်ပြီးတော့ သက်ဆိုင် ရာ project  စီမံခန့်ခွဲမှုကို သက်ဆိုင်ရာ YCDC  ရဲ့ အင်ဂျင်နီယာ ဌာန၊ လမ်းနဲ့ တံတားဌာန၊ အဆောက် အအုံဌာန၊ ဘတ်ဂျက် ငွေစာရင်းဌာနတွေက ဆောင် ရွက်မယ်ဆိုတာကို သိရပါတယ်။

အပြည့်အစုံကို ကြာသပတေးနေ့ ထွက် Hot News Journal တွင်ဆက်လက်ဖတ်ရှုပါရန်

မျိုးကျော်

Date: 
Tuesday, December 26, 2017