င၀န်မြစ်ကောဆုံကုန်းအင်း ဘုံစားအင်းအဖြစ်မှ ပယ်ဖျက်ခဲ့သည့်အတွက် ကျေးရွာပေါင်း ၂၈ ရွာမှ ရေလုပ်သားများ စားဝတ်နေရေးအခက်တွေ့

ဧရာဝတီတိုင်းဒေသကြီး အင်္ဂပူမြို့ နယ်နှင့် ဟင်္သာတမြို့နယ်ကြားရှိ င၀န် မြစ်ကော ပိုက်ချက်တင်ဒါ ဒေသအခေါ် ဆုံကုန်းမြစ်ကောအင်းကို ဘုံစားအင်း အဖြစ်မှ ပယ်ဖျက်ကာ အင်္ဂပူမြို့နယ်ရှိ ရေလုပ်သားအစုအဖွဲ့အား လုပ်ပိုင်ခွင့်ချ ထားပေးသည့်အတွက် အင်းကိုမှီခိုနေရ သည့်ကျေးရွာ ၂၈ ရွာမှရေလုပ်သားများ စားဝတ်နေရေး အခက်တွေ့နေကြောင်း ဒေသခံရေလုပ်သားများထံမှ သိရှိရသည်။
င၀န်မြစ်ကောမှာ င၀န်မြစ်ရေစီး ကြောင်းပြောင်းလဲရန် တူးဖော်ဖောက် လုပ်မှုကြောင့် ပေါ်ပေါက်လာသည့် မြစ် ကောအင်းဖြစ်ပြီး အကျယ်အ၀န်းမှာ ဧက ၃၀၀၀ ကျော်ရှိကာ ဟင်္သာတနှင့် အင်္ဂပူ နယ်ခြားတွင်တည်ရှိသည့် အင်းတစ်အင်း ဖြစ်သည်။  
ယခင်က အင်းကို တင်ဒါချထားပေး ခဲ့သော်လည်း ၂၀၁၃ ခုနှစ် ၀န်ကြီးချုပ် ဦးသိန်းအောင်လက်ထက်တွင် တင်ဒါစနစ် ဖျက်သိမ်း၍ ဘုံစားအင်းအဖြစ် ချထား ပေးခဲ့ပြီး လက်ရှိ ၀န်ကြီးချုပ် ဦးလှမိုး အောင်လက်ထက်တွင် ဘုံစားအင်းအဖြစ် မှ ပြန်လည်ရုပ်သိမ်း၍ အင်္ဂပူမြို့နယ်မှ ရေလုပ်သားအစုအဖွဲ့အား တင်ဒါအင်း အဖြစ် လုပ်ကိုင်ခွင့်ချထားပေးခဲ့ခြင်းဖြစ် သည်။ 
““ဒီလိုတင်ဒါချထားပေးတယ်ဆိုတာ ကျွန်တော်တို့ မသိရဘူး။ အင်္ဂပူငါးဦးစီးနဲ့ အင်းသားကြီးက တင်ဒါပေးထားတဲ့အင်း ဖြစ်တယ်။ ဆင်းပြီး ငါးမရှာပါနဲ့လို့ အသံ ချဲ့စက်နဲ့ မြစ်ထဲမှာလိုက်ပြောမှ သိတယ်။ ၂၀၁၃ မတိုင်ခင်က အင်းသားကြီးတွေက အခွန်နဲ့ လုပ်ခဲ့တယ်။ အဲဒီအချိန် ဒီအနား က ရွာသားတွေ အရမ်းဆင်းရဲကြတယ်။ ဆန်ကွဲပဲချက်စားရလို့ ဆွမ်းခံလာတဲ့ သံဃာတွေကို ထွက်ဆွမ်းမလောင်းရဲကြ ဘူး။ သိမ်ငယ်လို့ ရှက်လို့။ ဒါပေမဲ့ ၂၀၁၃ ခုနှစ်ကစပြီး ဘုံစားအင်းအဖြစ် လွှတ်ပေး လိုက်တော့ ကျွန်တော်တို့ စားဝတ်နေရေး တွေ အဆင်ပြေလာတယ်။ ကလေးတွေ ပညာသင်လာနိုင်တယ်။ ပညာတတ်တွေ ဖြစ်လာတယ်။ အခု တင်ဒါချပေးတယ်ဆို တော့ ကျွန်တော်တို့တွေ ဒုက်္ခတွေရောက် ကုန်ပြီ။ တာဝန်ရှိသူတွေကို အရင်ကလိုပဲ အဆင်ပြေအောင် လုပ်ကိုင်စားဖို့ အစိုးရ ကိုဆောင်ရွက်ပေးဖို့ တောင်းဆိုပါတယ်”” ဟု အင်္ဂပူမြို့နယ် မန်ကျီးကုန်းအုပ်စု၊ ကမ်းနားရွာသစ်ကျေးရွာမှ ရေလုပ်သား ခေါင်းဆောင်ဦးတင်ဝင်းက ပြောသည်။  
၂၀၁၃ ခုနှစ် မတိုင်ခင်က ယခုကဲ့သို့ တင်ဒါချထားရာတွင် လုပ်ကိုင်သူများက ဆုံကုန်း င၀န်မြစ်ဝမြစ်ဆုံ၌ ဇာစိမ်းဖြင့် အလုံပိတ်ပြီး မြင်းဝန်းဆင်ကာ ငါးဖမ်းဆီး ခြင်းများပြုလုပ်ခဲ့ပြီး ငါးဖမ်းရန်အတွက် ချုံချခြင်း၊ နွားခေါင်းမြှုပ်ခြင်း၊ နွားသေ မြှုပ်ခြင်းများပြုလုပ်ခဲ့သည့်အတွက် ယင်း မြစ်ရေအား မှီခိုသောက်သုံးခဲ့ရသဖြင့် ကလေးသူငယ်များ ၀မ်းလျှောခြင်းနှင့် သေဆုံးခြင်းများဖြစ်ပွားခဲ့သည်။ 
ထို့နောက် ၂၀၁၃ ခုနှစ်တွင် တင်ဒါ အင်း ပယ်ဖျက်ခဲ့သည့်အတွက် ယင်းမြစ် ကောတစ်လျှောက် အချို့နေရာများတွင် နွေစပါးစိုက်ပျိုးခြင်း၊ ဃဏ အစေ့ထုတ် ပြောင်းစိုက်ပျိုးခြင်းများနှစ်စဉ်ပြုလုပ်ခဲ့ပြီး စိုက်ပျိုးရေးလုပ်ကိုင်သူများနှင့် တံငါလုပ် ကိုင်သူများအဆင်ပြေခဲ့ကြကြောင်း ဒေသခံ တို့က ဆိုသည်။
င၀န်မြစ်ကောအင်းမှာ အင်းသားကြီး များအား တင်ဒါလုပ်ပိုင်ခွင့်ဖျက်သိမ်းပြီး ဘုံစားအင်းအဖြစ် ဒေသခံရေလုပ်သား များအားချထားပေးခဲ့ရာတွင် ရေလုပ်သား တချို့က ဘတ်္ထရီရှော့ခ်တိုက် ငါးဖမ်းခြင်း၊ ဆေးချငါးဖမ်းခြင်း၊ ပိုက်စိပ်ဖြင့်တိုက်၍ ငါးဖမ်းခြင်းများဆောင်ရွက်ခဲ့သည့်အတွက် ငါးသယံဇာတပြုန်းတီးမှုများ ဖြစ်ပေါ်ခဲ့ ခြင်းကြောင့် အဆိုပါအခြေအနေများ ထိန်းသိမ်းနိုင်ရန်အတွက် ဧရာဝတီတိုင်း ဒေသကြီးအစိုးရက အင်္ဂပူမြို့နယ်မှ ရေ လုပ်သားအစုအဖွဲ့ထံ ချထားပေးခဲ့ခြင်း ဖြစ်ကြောင်း အင်္ဂပူမြို့နယ် အမှတ်(၂) တိုင်းဒေသကြီး လွှတ်တော်ကိုယ်စားလှယ် ဦးဗိုလ်ဗိုလ်ဇင်က ပြောသည်။ 
““တင်ဒါအင်းကနေ ဘုံစားအင်းဖြစ် သွားတဲ့အခါမှာ ဘတ်္ထရီရှော့ခ်တိုက်တာ တွေ၊ ဆေးချငါးဖမ်းတာတွေ၊ ပိုက်စိပ်တိုက် ငါးဖမ်းတာတွေလုပ်လို့ ငါးသယံဇာတတွေ ပြုန်းတီးလာတယ်။ ဘုံစားအင်းဖြစ်တဲ့ အတွက် ညဘက် ငါးဖမ်းတာတွေ ရှိပြီး နေရာလုတာတွေဖြစ်တယ်။ အနီးနားက စိုက်ခင်းတွေပေါ်ဖြတ်သွားလို့ ပျက်စီးမှု တွေ ဖြစ်တယ်။ အဲဒီလိုဖြစ်တော့ အခွန် အခဆောင်ပြီး လုပ်ပါရစေဆိုပြီး အဲဒီ အနီးမှာ အဓိကနေကြတဲ့ ဆုံကုန်းအုပ်စု၊ တပင်ခံအုပ်စုနဲ့ ဒယ်ပုတ်ကွင်းအုပ်စုတွေက လယ်သမားများကတင်ပြတဲ့အတွက် တိုင်း အစိုးရကိုတင်ပြတယ်။ အစုအဖွဲ့အပြိုင် မရှိတာရယ်၊ ဒေသခံလယ်သမား အစု အဖွဲ့ဖြစ်ပြီး အင်းသားကြီးကိုချပေးတာ မဟုတ်တာရယ်၊ အခွန်ရတာရယ်ကြောင့် အင်္ဂပူငါးဦးစီးကိုမေးတဲ့အခါ အင်္ဂပူမြို့နယ် အပိုင်လို့သိရပြီး အုပ်ချုပ်ရေးမှူးတွေကို စုံစမ်းတဲ့အခါမှာလည်း မှန်ကန်တယ်လို့ သိရတဲ့အတွက်မြို့နယ် အင်းတင်ဒါစိစစ် ရေး ကော်မတီကနေ အစိုးရကိုပြန်လည် တင်ပြခဲ့တာဖြစ်တယ်။ အဲဒီမှာ အစိုးရက အခွန်ငွေ ကျပ်သိန်း ၆၀ နဲ့ ချထားပေး တယ်လို့ သိရတယ်””ဟု တိုင်းလွှတ်တော် ကိုယ်စားလှယ် ဦးဗိုလ်ဗိုလ်ဇင်က ပြော သည်။  
မြို့နယ်ငါးလုပ်ငန်းဦးစီးမှူး၊ မြို့နယ် လွှတ်တော်ကိုယ်စားလှယ်နှင့် မြို့နယ်အုပ် ချုပ်ရေးဌာနများပါဝင်သည့် အင်္ဂပူမြို့နယ် အင်းတင်ဒါစိစစ်ရေးကော်မတီအနေဖြင့် င၀န်မြစ်ကောအင်းအား တောင်သူလယ် သမားအစုအဖွဲ့ထံ ချထားပေးသည်ဟု ပြောဆိုနေသော်လည်း အောက်ခြေတွင် အင်းသားကြီးသုံးဦးက ဦးဆောင်လုပ်ကိုင် နေကြောင်း ဒေသခံရေလုပ်သားများထံမှ သိရသည်။ 
““ဒေသခံတွေ အကူအညီတောင်းခံ တဲ့အတွက် ကျွန်တော်တို့ ကွင်းဆင်းကြည့် ရာမှာ သူတို့တင်ပြမှုတွေ မှန်ကန်တာ စိစစ် တွေ့ရှိတယ်။ လွန်ခဲ့တဲ့ ၅ နှစ်ကတည်းက ဘုံစနစ်နဲ့လုပ်လာခဲ့တယ်။ အခုလည်း သူ တို့က ဘုံစနစ်ပဲလိုချင်တယ်လို့ ပြောတယ်။ နိုင်ငံတော်ရဲ့မူဝါဒအရ ဘုံစနစ်နဲ့ အဆင် မပြေပါဘူး။ အစုအဖွဲ့အဖြစ် လုပ်ကိုင်မှ အဆင်ပြေမယ်ဆိုရင်လည်းပဲ အစိုးရနဲ့ ပြည်သူအကြား အဆင်ပြေအောင် ကျွန် တော်တို့ ပေါင်းစပ်ညှိနှိုင်းတဲ့နည်းနဲ့ ကူညီ ပေးသွားမှာဖြစ်ပါတယ်””ဟု မြန်မာနိုင်ငံ လူ့အခွင့်အရေး ကာကွယ်မြှင့်တင်သူများ အဖွဲ့ဒါရိုက်တာဦးမြင့်နိုင်က ပြောသည်။
အင်္ဂပူမြို့နယ်၌ င၀န်မြစ်ကော အင်း အပေါ် မှီခိုအသက်မွေးနေသည့် ကျေးရွာ အုပ်စု ၇ အုပ်စုရှိပြီး ဟင်္သာတမြို့နယ်၌ အဆိုပါ အင်းအပေါ် မှီခိုအသက်မွေးနေ သည့် ကျေးရွာ ၂၈ ရွာရှိကာ လူဦးရေ အားဖြင့် ၅၀၀၀ ကျော် ရှိနေကြောင်း သိရသည်။         
 မျိုးမင်းထွန်း(မြစ်မခ) 
Date: 
Tuesday, September 25, 2018