စည်ပင်ရွေးကောက်ပွဲကိစ္စ လူထုစိတ်ဝင်စားမှုနည်းပါး

ရန်ကုန်တိုင်းစည်ပင်သာယာရေးကော်မတီနှင့် သက်ဆိုင်သော လူထု သဘောထားစစ်တမ်း ကောက်ခံခြင်း ဥပဒေဆိုင်ရာ ဆွေးနွေးပွဲနှင့် အတွေ့ အကြုံ ရှင်းလင်းခြင်းအခမ်းအနားအား မတ် ၃၁ရက်တွင် သမခ့ငိံသအနူ ၌ အလင်းစေတ မန်လူမှုအထောက်အကူပြု အသိပညာပြန့်ပွားရေးအဖွဲ့က ကျင်းပပြုလုပ်ခဲ့ကြောင်း သိရသည်။
အလင်းစေတမန်အဖွဲ့က ရန်ကုန် မြို့တော်စည်ပင်သာယာရေးကော်မတီ ရွေးကောက်ပွဲနှင့် ပတ်သက်၍ လေ့လာစောင့်ကြည့်ခြင်းအစီရင်ခံစာကို ထုတ်ဝေခဲ့ရာ ရန်ကုန်မြို့တော်စည်ပင်သာယာရေးကော်မတီ ရွေးကောက် တင်မြှောက်ခြင်းဆိုင်ရာ နည်းဥပဒေအား အများပြည်သူ ကျေလည်စွာ လက်ခံ နိုင်သည့်ဥပဒေများ ဖြစ်လာစေရန် ပြန်လည်ပြင်ဆင်သင့်ကြောင်း၊ ရွေး ကောက်ပွဲအား လုံလောက်သောအချိန်ကာလတစ်ခု၌ ကြိုတင်ကြေညာ သင့်ကြောင်း၊ လေ့လာစောင့်ကြည့် ရေးအဖွဲ့များအား လေ့လာစောင့်ကြည့် နိုင်ရန် တရားဝင် ခွင့်ပြုပေးသင့်ကြောင်း အပါအ၀င်အကြံပြုချက်ရှစ်ချက် အကြံပြုထားကြောင်း တွေ့ရှိရသည်။
“ပြီးခဲ့တဲ့ ဒီဇင်ဘာမှာ အရပ်ဘက်အဖွဲ့အစည်းတွေနဲ့ ၀န်ကြီးချုပ်တို့ တွေ့ခွင့်ရခဲ့ပါတယ်။ စည်ပင်ဥပဒေပြင်ဆင်ရာမှာ  ပါဝင်ကူညီဖို့ ၀န်ကြီးချုပ်က ပြောခဲ့ပါတယ်။ ကျွန်မတို့ရဲ့ အကြံပြုချက်တွေကိုလည်း လက်ခံခဲ့ပါတယ်။ အဲဒီမှာ အောင်မြင်မှုက ဘာလဲဆိုတော့ အရင်တုန်းက တစ်အိမ် ထောင်မှာ အိမ်ထောင်ဦးစီးတစ်ဦးသာ မဲပေးခွင့်ရှိတယ်။ အခု ၁၈ နှစ်ပြည့်ပြီး သူတိုင်း မဲပေးခွင့်ဆိုတာပါလာတယ်။ ရွေးကောက်ပွဲအသုံးစရိတ် ကန့်သတ်မှုတွေပါ လာတယ်။ အငြင်းပွားမှုတွေရှိလာရင်လည်း ဘယ်လိုဖြေရှင်းရမယ်ဆိုတာတွေ ပါလာတယ်။ နောက်တစ်ခုကတော့ စည်ပင်ရဲ့ ၀န်ဆောင်မှုလုပ်ငန်းတွေ အပေါ် ပြည်သူတွေရဲ့ သဘောထားဘယ်လိုရှိသလဲဆိုတာ စစ်တမ်းကောက် ပါတယ်။ လှိုင်သာယာ၊ တောင်ဒဂုံ၊ ဒလ၊ မင်္ဂလာဒုံ၊ တောင်ဥက်္ကလာ၊ မြောက်ဥက်္ကလာ၊ တာမွေမြို့နယ်တွေက ပြည်သူ ၉၀၀ ကျော်နဲ့ တွေ့ဆုံနိုင်ခဲ့ပါ တယ်”ဟု အလင်းစေတမန်အဖွဲ့ဒါရိုက်တာ မမြနန်္ဒာကပြောသည်။
အလင်းစေတမန်၏ အစီရင်ခံစာ တွင် မြို့တော်ဝန်အား အများဆန်္ဒနှင့် အညီ ရွေးကောက်တင်မြှောက်ရန် အကြံပြုထားပြီး မဲဆန်္ဒရှင်အချို့သည် စည်ပင်ရွေး ကောက်ပွဲအားယုံကြည်ကိုးစားမှုမရှိခြင်း၊ ဒီမိုကရေစီနည်းလမ်းကျ သည့်ရွေးကောက်ပွဲတစ်ခုဟုမယုံကြည်ကြခြင်း၊ ရွေးကောက်ပွဲဖြစ်စဉ်များ၌ လူထုစိတ်ဝင်စားမှုနည်းပါးနေပြီး လုံလောက်သည့် လှုံ့ဆော်မှုများကို  လည်း မဆောင်ရွက်နိုင်ကြောင်း ဖော်ပြပါရှိသည်။
ဇော်မြင့်
Date: 
Tuesday, April 3, 2018