တရားစီရင်ရေးစနစ် ထိရောက်စွာ အကာအကွယ်မပေးနိုင်ခြင်းကြောင့် အမျိုးသမီးများအပေါ် အကြမ်းဖက်မှု၊ မုဒိမ်းမှုများ ထောင်နှင့်ချီ ရင်ဆိုင်နေရ

မြန်မာနိုင်ငံ၏ တရားစီရင်ရေးစနစ် မှာ ထိရောက်စွာ အကာအကွယ်မပေး နိုင်ခြင်းကြောင့်  အမျိုးသမီးများအပေါ် အကြမ်းဖက်မှု၊ မုဒိမ်းမှုများ ထောင်နှင့်ချီ ရင်ဆိုင်နေရကြောင်း School of Law, Gender and Politics တည်ထောင်သူ ဒေါ်ညိုညိုသင်းက ပြောသည်။

အမျိုးသမီးများအပေါ် အကြမ်းဖက် မှုတားဆီးကာကွယ်ရေး ဥပဒေတစ်ရပ် အမြန်ဆုံးပေါ်ပေါက်ရေး စကားဝိုင်းဆွေး နွေးပွဲတစ်ခုအား ဒီဇင်ဘာ ၂ ရက်တွင် Yangon Book Plaza ၌ ပြုလုပ်ခဲ့ပြီး အဆိုပါ ဆွေးနွေးပွဲတွင် ၎င်းင်းက ပြော ကြားခဲ့ခြင်းဖြစ်သည်။

““အခုလက်ရှိ တည်ဆဲဥပဒေတွေက အမျိုးသမီးတွေအပေါ် အကြမ်းဖက်မှုကို ထိရောက်စွာ မကာကွယ်ပေးနိုင်ဘူး။ ဒါ ကြောင့်မို့လို့ ဥပဒေသစ်တစ်ရပ် ပေါ် ပေါက်ဖို့လိုတယ်။ အဲဒီလို ဥပဒေက အကာအကွယ်မပေးနိုင်တဲ့အတွက်ကြောင့် ကျွန်မတို့ တရားစီရင်ရေးစနစ်က ထိ ရောက်စွာ အကာအကွယ်မပေးနိုင်တဲ့ အတွက်ကြောင့် အခုမြန်မာနိုင်ငံမှာဆိုရင် အမျိုးသမီးတွေအပေါ်မှာ အကြမ်းဖက်မှု၊ အထူးသဖြင့် မုဒိမ်းမှုဟာ ဒီနှစ်ထဲမှာဆိုရင် ထောင်နဲ့ချီပြီးတော့ ဖြစ်နေတာကို တွေ့ နေရတယ်””ဟု ၎င်းင်းကပြောသည်။

အမျိုးသမီးများအပေါ် အကြမ်း ဖက်မှုကာကွယ်ရေးဥပဒေအတွက် လွှတ် တော်ထဲ၌ ဆွေးနွေးသည့် အဆင့်သာ ရှိနေသေးပြီး ဥပဒေဖြစ်လာရန် အတိ အကျ မပြောနိုင်သေးကြောင်း ပဲခူးတိုင်း မဲဆန်္ဒနယ် အမှတ်(၃)မှ အမျိုးသားလွှတ် တော်ကိုယ်စားလှယ် ဒေါ်ရွှေရွှေစိန်လတ် က ပြောသည်။

““ဥပဒေနဲ့ပတ်သက်ပြီးတော့ အရပ် ဘက်အဖွဲ့အစည်းတွေနဲ့ သက်ဆိုင်ရာ ကော်မတီတွေနဲ့ အမြဲတမ်း တွေ့တယ်။ ဒီဘိတ်တွေလည်း လုပ်ဖြစ်တယ်။ ကျွန်မ တို့ကတော့ အမြန်ဆုံး တင်သွင်းသွားဖို့ ရှိတယ်ဆိုတော့ လာမယ့် နှစ်လောက် တော့ ဖြစ်လာမှာပေါ့။ အဲဒါကိုတော့ ကျွန်မတို့လည်း အတိအကျ မပြောနိုင် သေးပါဘူး””ဟု ၎င်းင်းက ပြောသည်။

အဆိုပါ ဆွေးနွေးပွဲတွင် လက်ရှိ မြန်မာနိုင်ငံ၌ အမျိုးသမီးအကြမ်းဖက်ခံရ မှုများအား ဥပဒေကြောင်းအရ အကာ အကွယ်မပေးနိုင်မှုများ၊ နိုင်ငံတကာတွင် ပြဋ္ဌာန်းထားသည့် ဥပဒေများအကြောင်း နှင့် ယနေ့လွှတ်တော်ထဲမှ အခြေအနေ များအကြောင်းကို ဆွေးနွေးခဲ့ကြကြောင်း သိရသည်။                 ကျော်ကိုကို

Date: 
Tuesday, December 5, 2017