တိုင်းဧရာတွင် နှစ်နှစ်အတွင်း ရဲတပ်ဖွဲ့ဝင် ၉၂ဦးနုတ်ထွက်

ဧရာဝတီတိုင်းဒေသကြီးအတွင်း ၂၀၁၇ ခုနှစ်နှင့် ၂၀၁၈ ခုနှစ် ဧပြီလကုန် ပိုင်းအထိ နှစ်နှစ်တာ ကာလအတွင်း အကြောင်းအမျိုးမျိုးကြောင့် မြန်မာ နိုင်ငံရဲတပ်ဖွဲ့မှ နုတ်ထွက်သူ ဧရာဝတီ တိုင်းဒေသကြီးအတွင်းရဲတပ်ဖွဲ့ဝင် ၉၂ ဦး ရှိခဲ့ကြောင်း သိရှိရသည်။

မြန်မာနိုင်ငံရဲတပ်ဖွဲ့မှ ၂၀၁၇ ခုနှစ် အတွင်းအရာရှိငါးဦး၊ အခြားအဆင့် ၆၁ ဦးစုစုပေါင်း ၆၆ ဦးတို့ကိုလည်းကောင်း၊ ၂၀၁၈ ခုနှစ် ဇန်န၀ါရီလမှ ဧပြီလအထိ အခြားအဆင့် ၂၆ ဦး နုတ်ထွက်ခွင့် ရရှိရေးဆောင်ရွက်ပေးခဲ့ကြောင်း ဧရာ ၀တီတိုင်းဒေသကြီး  ရဲတပ်ဖွဲ့မှူးရုံးမှ သိရသည်။

““လုပ်သက် ငါးနှစ်ပြည့်ပြီးလို့ မိဘကို လုပ်ကျွေးချင်တာတို့၊ လခမလုံ လောက်တာတို့ အကြောင်းအမျိုးမျိုး ပေါ့။ အဲဒီလို နုတ်ထွက်ခွင့်တင်လာရင် သူ့ဟာ ရဲစည်းကမ်းနဲ့ အရေးယူခံထားရ တာရှိ၊ မရှိစစ်ဆေးပြီး မြို့နယ်ကနေခရိုင် အဆင့်ဆင့်ပေါ့တင်ပြီး မြန်မာနိုင်ငံ ရဲတပ် ဖွဲ့ဌာနချုပ် (နေပြည်တော်)ကို တင်တဲ့ အခါ အဲဒီကခွင့်ပြုရင် နုတ်ထွက်ခွင့်ရ အောင် ဆောင်ရွက်ပေးပါတယ်””ဟု ဧရာဝတီတိုင်းဒေသကြီးရဲတပ်ဖွဲ့မှူးရုံးမှ ဒုရဲမှူးကြီးခင်မောင်လတ်ကပြောသည်။

ဧရာဝတီတိုင်းဒေသကြီးရဲတပ်ဖွဲ့ အနေဖြင့် ရဲတပ်ဖွဲ့ဝင်များ၏ နုတ်ထွက် ခွင့်အား ခြွင်းချက်မရှိ၊ ကန့်သက်ချက် မရှိခွင့်ပြုပေးခဲ့ကြောင်း၊ ရဲတပ်ဖွဲ့မှ နုတ် ထွက်လိုပါက ရဲတပ်သားအသစ်တစ်ဦး ရှာပေးမှ နုတ်ထွက်ခွင့်ပြုမည့်အတွက် ရဲတပ်ဖွဲ့မှ ထွက်ချင်သော်လည်းထွက်လို့ မရဖြစ်နေသည်ဟူသော သတင်းမှာ သတင်းမှားသာဖြစ်ကြောင်း ၎င်းင်းက ဆက်ပြောသည်။

နုတ်ထွက်ခွင့် တင်ပြသည်များကို အချိန်နှင့် တစ်ပြေးညီ တိုင်းရဲတပ်ဖွဲ့မှူးရုံး သို့ တင်ပြရန်နှင့် တိုင်းဒေသကြီး ရဲတပ်ဖွဲ့ မှူးရုံးက မြန်မာနိုင်ငံရဲတပ်ဖွဲ့ဌာနချုပ်သို့ ဆက်လက်တင်ပြလျက်ရှိပြီး နုတ်ထွက် ခွင့်ပြန်လည်ရောက်ရှိလာပါက အချိန်နှင့် တစ်ပြေးညီ သက်ဆိုင်ရာ ခရိုင်ရဲတပ်ဖွဲ့ များသို့ ထပ်ဆင့်မိန့်ပြန်လည်ထုတ်ပေး လျက်ရှိကြောင်း ဧရာဝတီတိုင်းဒေသကြီး ရဲတပ်ဖွဲ့မှူးရုံး၏ သတင်းထုတ်ပြန်ချက် အရ သိရသည်။     မျိုးမင်းထွန်း(မြစ်မခ)

 

Date: 
Tuesday, May 8, 2018