မိုးညှင်းမြို့၌ လုပ်ငန်းကျွမ်းကျင်မှုဆိုင်ရာလက်မှတ်အကြောင်းပြုပြီး အခွန်ဆောင်စေခြင်းအပေါ် လက်သမားဆရာနှင့်ပန်းရန်ဆရာတို့ မကျေနပ်

ကချင်ပြည်နယ်၊ မိုးညှင်းမြို့နယ် စည်ပင်သာယာရေးအဖွဲ့နှင့် မိုးညှင်းမြို့ ပေါ်ရှိလက်သမားဆရာ၊ ပန်းရန်ဆရာ၊ သံချည်သံကွေးဆရာတို့ တွေ့ဆုံဆွေးနွေး ပွဲကို အောက်တိုဘာလ ၂၅ ရက် နေ့လယ် ၂ နာရီခွဲအချိန်တွင် မြို့နယ်စည် ပင်သာယာရေးအဖွဲ့ရုံးဌာန အစည်းအဝေး ခန်းမ၌ ကျင်းပပြုလုပ်ခဲ့သည်။

အခမ်းအနားတွင် မြို့နယ်စည်ပင် သာယာရေးကော်မတီဥက်္ကဋ္ဌ ဦးသိန်း အောင်က အမှာစကားဟြေကြားခဲ့ပြီး မြို့နယ်စည်ပင်သာယာရေးအဖွဲ့အမှုဆောင် အရာရှိ  ဦးကျော်လင်းက နေအိမ် အဆောက်အအုံဆောက်လုပ်ရာတွင် အိမ်ဆောက်မိန့် တောင်းခံခြင်း၊ လက် သမားဆရာ၊ ပန်းရန်ဆရာနှင့် သံချည် သံကွေးဆရာများအနေဖြင့် လုပ်ငန်း ကျွမ်းကျင်မှုဆိုင်ရာ မှတ်ပုံတင်ကြရန်နှင့် လိုက်နာရမည့် အချက်အလက်များကို ဟြေကြားခဲ့သည်။

ထို့နောက် အခမ်းအနားသို့ တက် ရောက်လာကြသော လက်သမားဆရာ၊ ပန်းရန်ဆရာနှင့် သံချည်သံကွေးဆရာ များက သိရှိလိုသည်များကို မေးမြန်းခဲ့ကြ ပြီး တာဝန်ရှိသူများမှ ပြန်လည်ဖြေကြား ခဲ့ကြသည်။

““ကျွန်တော်တို့လိုနယ်က လက်လုပ် လက်စားတွေအပေါ် ကျွမ်းကျင်မှုဆိုင်ရာ လက်မှတ်လုပ်ရမယ်ဆိုပြီး တစ်ဖက်လှည့် နဲ့ အခွန်ကောက်ယူတာပါပဲ။ မိုးညှင်း မြို့ကလက်သမား၊ပန်းရန်၊သံချည်သံကွေး တွေအလုပ်မဖြစ်တာ တစ်နှစ်ကျော်နေ ပါပြီ။ မြို့သေးသေးလေးမှာ လုပ်ကိုင် စားရတဲ့ လက်လုပ်လက်စားတွေအပေါ် စာနာငဲ့ညှာသင့်ပါတယ်””ဟု ပန်းရန် ဆရာကြီးတစ်ဦးက ဟြေကြားခဲ့သည်။

““မိုးညှင်းမြို့မှာ နေအိမ်ဆောက် လုပ်ရေးသမားတွေ အလုပ်မဖြစ်တာကို စည်ပင်သာယာရေးအဖွဲ့က သိပါလျက်နဲ့ လက်သမားဆရာတွေနဲ့ ပန်းရန်ဆရာ တွေကိုကျွမ်းကျင်မှုဆိုင်ရာ လက်မှတ် လုပ်ဖို့အကြောင်းပြုပြီး အခွန်ကောက် တာဟာ လက်လုပ်လက်စားတွေကို အကျပ်အတည်းဖြစ်အောင် လုပ်ရာ ရောက်ပါတယ်။ စည်ပင်သာယာမှာ အိမ် ဆောက်မိန့်တင်ထားတဲ့ အဆောက် အအုံ အရေအတွက်ကို သိရှိနေတဲ့အပြင် စည်ပင်သာယာရေးကော်မတီဥက်္ကဋ္ဌ ကိုယ်တိုင်အိမ်ဆောက်ပစ်္စည်းအရောင်း ဆိုင်ဖွင့်ထားဆိုတော့ လက်သမား၊ပန်းရန် အလုပ်ဖြစ်မဖြစ် သိနေတာပဲဗျာ။ဒီကိစ်္စကို အတိုင်းအတာတစ်ခုအထိ ဆိုင်းငံ့ထား သင့်ပါတယ်””ဟု လက်သမားဆရာကြီး တစ်ဦးကလည်း အခမ်းအနားတွင် ဆွေး နွေးတင်ပြခဲ့ပေသည်။

အခမ်းအနားသို့ မြို့နယ်ဒုအုပ်ချုပ် ရေးမှူး ဦးအောင်မြင့်စိုးနှင့်အဖွဲ့ဝင်များ၊ မြို့နယ်စည်ပင်သာယာရေးကော်မတီ ဥက္ကဋ္ဌ ဦးသိန်းအောင်နှင့် အဖွဲ့ဝင်များ၊ မြို့နယ်စည်ပင်သာယာရေးအဖွဲ့အမှုဆောင် အရာရှိ ဦးကျော်လင်းနှင့် ၀န်ထမ်းများ၊ မြို့ပေါ် (၆)ရပ်ကွက်မှ အုပ်ချုပ်ရေးမှူး များ၊ လက်သမားဆရာ၊ ပန်းရန်ဆရာ၊ သံချည်သံကွေးဆရာများ တက်ရောက် ခဲ့ကြကြောင်း သိရသည်။

သစ္စာ(မိုးညှင်း)

Date: 
Tuesday, October 31, 2017