မူးယစ်ဆေးရောင်းဝယ်သူများ၏ တရားမ၀င်ပိုင်ဆိုင်မှုများကို သတင်းပေးလျှင် ထိုက်ထိုက်တန်တန်ဆုချီးမြှင့်ပြီး ဆုကြေးအပေါ် အခွန်ကင်းလွတ်ခွင့်ပြုမည်ဟု သမ္မတပြောကြား

မူးယစ်ဆေးရောင်းဝယ်သူများ၏ တရားမ၀င် ပိုင်ဆိုင်မှုများကို သတင်းပေး လျှင် ထိုက်ထိုက်တန်တန် ဆုကြေးချီးမြှင့် မည်ဖြစ်ပြီး ယင်းဆုကြေးအပေါ် အခွန် ကင်းလွတ်ခွင့်ပြုမည်ဖြစ်ကြောင်း ဇွန် ၂၆ ရက်နေ့တွင်ပြုလုပ်သော အပြည်ပြည် ဆိုင်ရာ မူးယစ်ဆေးဝါး အလွဲသုံးမှုနှင့် တရားမ၀င် ရောင်းဝယ်မှုတိုက်ဖျက်ရေး နေ့အခမ်းအနားတွင် သမ္မတဦးဝင်းမြင့်က မိန့်ခွန်းပြောကြားရာ၌ ထည့်သွင်းပြော ကြားသည်။

““သတင်းပေးတိုင်ကြားသူတွေရဲ့ တိုင်ကြားမှု၊ ဗဟိုမှာဖွဲ့စည်းထားတဲ့ အထူး အဖွဲ့ရဲ့ ဖော်ထုတ်ဖမ်းဆီးမှုတွေကြောင့် ဖော်ထုတ်အရေးယူမှုတွေ ထိထိရောက် ရောက် ဆောင်ရွက်နိုင်တဲ့အချိန်မှာ မူးယစ်ကုန်သည်တွေ၊ ရောင်းဝယ်ဖောက် ကားသူတွေရဲ့ တရားမ၀င်ပိုင်ဆိုင်မှုတွေ ကို သတင်းပေးတိုင်ကြားသူ၊ လက်ရ ဖမ်းဆီးသူနဲ့ နိုင်ငံတော်အစိုးရ သင့်တင့် လျောက်ပတ်တဲ့ အချိုးအစားနဲ့ ပြန်လည် ခွဲဝေပေးမှာ ဖြစ်ပါတယ်။ သတင်းပေး တိုင်ကြားသူတွေကို ထိုက်ထိုက်တန်တန် ဆုကြေးချီးမြှင့်ပေးရာမှာ သူတို့ရဲ့ လုံခြုံ ရေးကို အထူးဂရုပြုတဲ့အနေနဲ့ သတင်း ထုတ်ပြန်ခြင်းပြုလုပ်မှာမဟုတ်သလို နိုင်ငံ တော်ရဲ့ ချီးမြှင့်ငွေဖြစ်တဲ့အတွက် အခွန် ကင်းလွတ်ခွင့် အထူးအခွင့်အရေးကို လည်း ပေးအပ်သွားမှာ ဖြစ်ပါတယ်””ဟု သမ္မတဦးဝင်းမြင့်က ထည့်သွင်းပြောကြား  ခဲ့ခြင်းဖြစ်သည်။

မူးယစ်ဆေးဝါးထုတ်လုပ်မှု၊ ရောင်း ၀ယ်ဖောက်ကားမှုများကို လုံခြုံစွာ သတင်းပေးတိုင်ကြားနိုင်မည့် ““မူးယစ် ဆေးဝါးအထူးသတင်းတိုင်ကြားရေးဌာန”” ကို နိုင်ငံတော်သမ္မတရုံးတွင် ဖွဲ့စည်းထား ပြီးဖြစ်ကာ တိုင်ကြားသူများ၏ လုံခြုံရေး၊ သတင်းအချက်အလက် မပေါက်ကြား ရေးအတွက် လုံခြုံမှုအဆင့်အတန်း သတ် မှတ်ဆောင်ရွက်သည့် လုပ်ထုံးလုပ်နည်း ချမှတ်ပေးထားကြောင်း နိုင်ငံတော် သမ္မတရုံး ထုတ်ပြန်ချက်အရ သိရသည်။

ပြည်သူများအနေဖြင့် ဖုန်းအမှတ် ၀၆၇-၅၉၀၂၀၀၊ ဖက်စ်အမှတ် ၀၆၇-၅၉၀၂၃၃ နှင့် အီးမေးလ်လိပ်စာ antinarcotics @ presidentoffice-gov. mm သို့ ဆက်သွယ်သတင်းပေးပို့ တိုင် ကြားနိုင်ကြောင်းလည်း  နိုင်ငံတော် သမ္မတရုံးက ထုတ်ပြန်ထားသည်။

အောင်နိုင်ဦး

 

Date: 
Tuesday, June 26, 2018