မကွေးတိုင်းဒေသကြီးအတွင်း ဆည်တမံအချို့မှရေကျော်မှု စိုးရိမ်စရာမရှိဟုဆို

ဇွန်လ ၈ ရက်နောက်ပိုင်း ဆက် တိုက်ရွာသွန်းနေသော မိုးရွာသွန်းမှု ဖြစ် စဉ်အရ မကွေးတိုင်းအတွင်းရှိ ဆည်၊ကန်၊ ရေလှောင်တမံအချို့တွင် သတ်မှတ်ရေ မှတ်များထက်ကျော်ကာ ရေပိုလွှဲများမှ ရေကျော်လျက်ရှိသော်လည်း  တိုင်း အတွင်း အမြင့်ဆုံး ရေကျော်မှုမှတ်တမ်း များနှင့်နှိုင်းစာလျှင် စိုးရိမ်ဖွယ်မရှိကြောင်း မကွေးတိုင်းဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနမှ သိရသည်။
လတ်တလော ဇွန်လ ၁၂ ရက် နံနက်ပိုင်းအခြေအနေအရ မုန်းချောင်း ရေလှောင်တမံ၌ ကန်ရေပြည့်အမှတ် ရောက်ရန် ၁၅ ပေလိုသေးပြီး  ရေပြည့် အမှတ်ရောက်ရန် မန်းချောင်းရေလှောင် တမံ၌ ၁ဒသမ၆ပေနှင့် စလင်းရေ လှောင်တမံ၌ ၈ဒသမ၁ပေတို့ လိုသေး ကြောင်း၊ ရေပိုလွှဲအသီးသီးမှ ရေကျော်မှု အခြေအနေမှာ ရင်းရှည်ရေလှောင်တမံမှ ၁ဒသမ၂ပေ၊ မဒေးရေလှောင်တမံမှ ၄ ဒသမ ၈ပေ၊ ကြီးအုံကြီးဝရေလှောင် တမံ မှ၇ဒသမ၃ပေတို့ရေကျော်လျက်ရှိကြောင်း တမံမှတ်တမ်းများအရ သိရသည်။
““တမံတွေမှာ ရေကင်းတွေချထား တယ်။ တာဝန်ရှိသူတွေအကုန်လုံးက စောင့်ကြည့်နေပါတယ်။ လက်ရှိ ရေ၀င် မှုကတော့များတယ်။ အရင်က ခုအချိန် ဆို ရေမ၀င်သေးဘူး။ ခုနစ်လပိုင်းနဲ့ ၁၀ လပိုင်းလောက်မှာ ရေ၀င်တာ။ ဒါပေမဲ့ အရင်တုန်းက ရေကျော်ခဲ့တဲ့ ပမာဏကို ရောက်ဖို့ များစွာလိုပါသေးတယ်။ ၂၀၁၅ တုန်းကတော့ ကိုမန်မုန်တိုင်းကြောင့် ပုံမှန် ရေကျော်မှု ပမာဏတွေထက် ထူးထူး ခြားခြား ရေကျော်မှုတွေ ဖြစ်ခဲ့တာပါ။ လက်ရှိတမံတွေက ရေကျော်မှုပမာဏ ကတော့ စိုးရိမ်စရာမရှိပါဘူး””ဟု မကွေး တိုင်းဆည်မြောင်းနှင့်ရေအသုံးချမှု စီမံ ခန့်ခွဲရေးဦးစီးဌာန၊ ညွှန်ကြားရေးမှူး ဦးသောင်းထိုက်ကပြောသည်။ 
တိုင်းအတွင်းရှိ ဆည်၊ ကန်၊ ရေ လှောင်တမံ ၇၃ ခု အနက် ၇၀ ခုကို မကွေးတိုင်း ဆည်မြောင်းနှင့် ရေအသုံး ချမှု စီမံခန့်ခွဲရေးဦးစီးဌာနမှ ထိန်းသိမ်းရေး လုပ်ငန်းများဆောင်ရွက်လျက်ရှိပြီး ကြီး အုံကြီးဝတမံနှင့် ပဒဲရေလှောင်တမံတို့ကို တည်ဆောက်ရေး-၃၊ မြစ်သာရေလှောင် တမံကို တည်ဆောက်ရေး-၈ မှ ကြီးကြပ် လျက်ရှိသည်။ 
““မန်းချောင်းထဲကို ၀င်တဲ့ချောင်း တွေက ပဒိမ်းမန်းချောင်း၊ ငဖဲမန်းချောင်း၊ ပသီချောင်းတွေရှိတယ်။ ကျွန်တော်တို့ ပိတ်ထားတာက ငဖဲမန်းချောင်းတစ်ခုပဲ ရှိတယ်။ မနေ့က အဲဒီ မန်းချောင်းတမံ ကနေ ရေမကျော်သေးဘူး။ မနေ့က ရွာ တဲ့မိုး ရေချိန်ကများလို့ ပဒိမ်းမန်းချောင်းနဲ့ ပသီချောင်းက ကျတဲ့ရေတွေများပြီး မန်း ချောင်းတစ်လျှောက်မှာ ရေတွေကြီးသွား ပါတယ်””ဟု ညွှန်ကြားရေးမှူးက မန်း ချောင်းရေကြီးဖြစ်စဉ်အား ရှင်းပြသည်။
မကွေးတိုင်းအတွင်း၌ ဆည်၊ ကန်၊ ရေလှောင်တမံများ၏ အမြင့်ဆုံးရေကျော် ခဲ့မှု အခြေအနေမှာ ၁၉၉၉ ခုနှစ် သြဂုတ်လ ၉ ရက်နေ့၌ မန်းချောင်း ရေလှောင်တမံမှ ၇.၈ ပေ၊ ၂၀၁၁ခုနှစ် အောက်တိုဘာ ၂၀ ရက်တွင် စလင်းရေ လှောင်တမံမှ ၁၃ဒသမ၆ပေ၊ ၂၀၁၅ခုနှစ် ဇူလိုင်လ ၃၁ရက်တွင် ရင်းရှည်ရေလှောင် တမံမှ ၂ဒသမ၉ပေ၊ မုန်းချောင်းရေ လှောင်တမံမှ၃၅ဒသမ၈ပေ၊ ကြီးအုံကြီးဝ ရေလှောင်တမံမှ ၃၃ဒသမ၃ပေ ၊ ၂၀၁၅ ခုနှစ် အောက်တိုဘာလ ၁၂ ရက်တွင် မဒေးရေလှောင်တမံမှ ၆ဒသမ၅ပေ တို့ဖြစ်ကြောင်း ဌာနမှတ်တမ်းများအရ သိရသည်။                 စိန်မင်း(မကွေး)
Date: 
Wednesday, June 13, 2018