ရခိုင်ပြည်နယ်မှ စစ်ဘေးရှောင်များ တစ်နှစ်ကျော်ကြာသည်အထိ နေရပ်မပြန်နိုင်သေး

၂၀၁၅ ခုနှစ်မှစ၍ ဖြစ်ပွားလာ သောရခိုင်ပြည်နယ်တွင်းတိုက်ပွဲများကြောင့် ကျောက်တော်၊ပုဏ်္ဏားကျွန်း၊ရသေ့တောင် နှင့် ဘူးသီးတောင်မြို့ နယ်တို့ရှိ စစ်ဘေး ရှောင်စခန်း(၁၄)ခုမှ စစ်ဘေးရှောင်များ (၁)နှစ်ကျော်ကြာသည်အထိနေရပ်မပြန်နိုင် သေးသူများရှိနေကြောင်း စစ်ရှောင်ဒုက်္ခ သည်များကိုအကူအညီပေးနေသည့်လူမှု အဖွဲ့အစည်းများထံမှ သိရသည်။
အဆိုပါမြို့နယ်များရှိ စစ်ရှောင် စခန်းများ၌ စစ်ဘေးရှောင် ၂၀၀၀ ခန့်ရှိ နေပြီး အချို့မှာ(၁)နှစ်ကျော်ကြာသည် အထိ မိမိတို့၏နေရပ်သို့ မပြန်နိုင်သေး ကြောင်း စစ်ဘေးအပြင် အခြားသဘာဝ ဘေးအန်္တရာယ်များကြောင့် မပြန်နိုင်ခြင်း ဖြစ်ကြောင်း သိရသည်။
““ကျောက်တော်မြို့နယ်က ရွာမပြင် စခန်းက စစ်ဘေးဒုက်္ခသည်တွေဆိုရင် ရောက်လာတာ(၁)နှစ် ကျော်ရှိပါပြီ။ အခု အချိန်အထိ အိမ်မပြန်နိုင်သေးပါဘူး။ တိုက်ပွဲဖြစ်တဲ့ နေရာတွေကနေ စစ်ဘေး ရှောင်စခန်းတွေကို ရောက်လာကြတာ ပါ။ တချို့တွေဆိုရင် စစ်ရှောင်းစခန်းတွေ မှာနေရင်းနဲ့ ရေဘေးဒုက်္ခလည်း  ကြုံတွေ့ ခဲ့ရပါသေးတယ်။ နယ်မြေမအေးချမ်း သရွေ့တော့ သူ့တို့ရဲ့နေရပ်ကို ပြန်သွား နိုင်ဖို့မလွယ်ပါဘူး။ စစ်ပွဲရဲ့ အကျိုးဆက် အနေနဲ့သူတို့နေရပ်ပြန်ရမှာကိုကြောက်ရွံ နေကြပါတယ်””ဟုကျောက်တော်မြို့၊အရေး ပေါ်ကူညီကယ်ဆယ်ရေးကော်မတီမှဦးအေး စောက ပြောသည်။
မြန်မာတပ်မတော်နှင့်  (ဗဗ) တို့ ၂၀၁၅ ခုနှစ်မတ်လက ကျောက်တော်မြို့ နယ်၊ ရမ်းချောင်းတောင်းတန်း၌ တိုက်ပွဲ များဖြစ်ပွားခဲ့ခြင်းဖြစ်ပြီး ဒေသခံများ စစ်ဘေးလွတ်ရာသို့ ပြောင်းရွှေ့ခဲ့ခြင်းဖြစ် သည်။ ရခိုင်စစ်ဘေရှောင်များအနေဖြင့် ကျောက်တော်မြို့နယ်တွင် ရွာမပြင်၊ သလူချောင်း၊ စရိုင်းကိုင်း စသည့် ကျေးရွာများ၊ ပုဏ်္ဏားကျွန်းမြို့နယ်တွင် ဖားကြွယ်၊ အထက်သင်ပုန်းတန်းကျေး ရွာများ၊ ဘူးသီးတောင်မြို့နယ်တွင် စည် တောင်၊ အလယ်ချောင်းစသည့်ကျေးရွာ များနှင့် ရသေ့တောင်မြို့နယ်တွင် ပဲသဒူ၊ ရေစိုချောင်းနှင့်ရေကောင်းချောင်းစသည့် ကျေးရွာတို့ရှိ စစ်ဘေးရှောင်စခန်းများ၌ ခက်ခက်ခဲခဲနေထိုင်နေကြရကြောင်းသိရ သည်။             

ပန်လှအောင်(မြစ်မခ)

Date: 
Tuesday, August 16, 2016