အငြိမ်းစားနိုင်ငံ့ဝန်ထမ်းများအနေဖြင့် ပင်စင်လစာထုတ်ယူရက်တွင် စုပြုံထုတ်ယူနေရခြင်းကြောင့် တန်းစီစောင့်ဆိုင်းရသည့်အခက်ခဲများရှိနေ

အငြိမ်းစားနိုင်ငံ့ဝန်ထမ်းများအနေ ဖြင့် လစဉ်ပင်စင်လစာစတင်ထုတ်ယူခွင့် ရသည့်ရက်များတွင် စုပြုံထုတ်ယူနေရ သည့်အတွက် ဘဏ်များရှေ့၌ တန်းစီ စောင့်ဆိုင်းရသည့်အခက်အခဲများရှိနေ ကြောင်း အငြိမ်းစားနိုင်ငံ့ဝန်ထမ်းများထံမှ သိရသည်။

လစဉ်ပင်စင်လစာစတင်ထုတ်ယူခွင့် ရသည့် ၂၁ရက်နှင့် နောက်ပိုင်းနှစ်ရက်ခန့် အတွင်းလာရောက်ထုတ်ယူသူများပြား ခြင်းကြောင့် အချိန်ကြာမြင့်စွာတန်းစီ စောင့်ဆိုင်းရခြင်းများရှိကြောင်း သိရ သည်။

“နောက်ကျမှရောက်လာသူတွေအနေ နဲ့ ထိုင်ခုံနေရာမရတဲ့အတွက် အပြင်မှာ အချိန်ကြာမြင့်အောင်စောင့်ရတဲ့ အခက် အခဲတွေရှိနေတယ်”ဟု ပင်စင်လစာထုတ် ယူသည့်ဦးသက်ဦးကပြောသည်။

၂၀၁၈ခုနှစ်၊ အောက်တိုဘာ ၂၁နှင့် ၂၂ ရက်များသည် သီတင်းကျွတ်ပိတ် ရက်ကာလနှင့် တိုက်ဆိုင်ခဲ့ခြင်းကြောင့် ရန်ကုန်တိုင်းအတွင်းပင်စင်ထုတ်ယူသူ အများအပြားစုပြုံခဲ့ကာအချိန်ကြာမြင့် စွာတန်းစီစောင့်ဆိုင်းခဲ့ကြရကြောင်း သိရသည်။

“ကာလရှည်ရုံးပိတ်ရက်နဲ့တိုက်ဆိုင် ခဲ့တာကြောင့် ဘဏ်ရှေ့မှာအချိန်ကြာ မြင့်အောင်တန်းစီခဲ့ရလို့သက်ကြီးသူတချို့ မူးမေ့တဲ့ဖြစ်ရပ်တွေရှိခဲ့ပါတယ်” ဟု ပင်စင်ထုတ်ယူနေသူဒေါ်ခင်စန်းရီက ပြောသည်။ 

မြန်မာ့စီးပွားရေးဘဏ်အနေဖြင့် လစဉ် ၂၁ ရက်မှစတင်ပြီးနောက်ပိုင်း ဘဏ်ဖွင့်ရက်တိုင်းတွင် ပင်စင်လာ ရောက်ထုတ်ယူနိုင်ရန် စီစဉ်ပေးထား ကြောင်းလည်းသိရသည်။

မြန်မာ့စီးပွားရေးဘဏ်အနေဖြင့် ငွေကြေးဝန်ဆောင်မှုလုပ်ငန်းနှင့် ပူးပေါင်း ပြီးမိုဘိုင်းဖုန်းမှ ပင်စင်လစာအလွယ်တကူ ထုတ်ယူနိုင်သည့်ဝန်ဆောင်မှုများပေးနေ ပြီး ၀န်ဆောင်မှုများပေးထားသော်လည်း စနစ်အပေါ်နားမလည်သူများ၊ သိရှိသူ များနည်းပါးနေကာဘဏ်သို့တိုက်ရိုက် လာရောက်ထုတ်ယူသူသာများပြားနေ ကြောင်း သိရသည်။

“အသက်အရမ်းကြီးတဲ့သူတွေ အတွက် အိမ်တိုင်ရာရောက်ထုတ်ပေးတဲ့ ပုံစံမျိုးဆောင်ရွက်ပေးစေလိုတယ်။ အသက်ခုနစ်ဆယ်ကျော်၊ ရှစ်ဆယ် အထက်တွေပေါ့”ဟုပင်စင်ထုတ်ယူသည့် ဦးလှမောင်ကပြောသည်။

ဘဏ်များအနေဖြင့် လူအများ သည့်ရက်များတွင် ပင်စင်ထုတ်ယူသူများ ကိုလွယ်ကူမြန်ဆန်စွာထုတ်ပေးရန်၊ အသက်၊ အရွယ်ကြီးသူများအတွက် သက်သောင့်သက်သာဖြစ်စေသည့်စောင့် ဆိုင်းရနိုင်ရန် နေရာများဖန်တီးပေးရန် လည်းလိုအပ်ကြောင်း သိရသည်။

ပိုင်ထက် (မြစ်မခ)

 

Date: 
Tuesday, October 30, 2018