ရွှေသံလွင်ကုမ်္ပဏီမှ ထုတ်ပယ်လိုက်သော ၀န်ထမ်း ၄၉ဦး ပြန်လည်ခန့်အပ်ပေးရန် ပဲခူးတိုင်းဒေသကြီးလွှတ်တော်က ကုမ္ပဏီထံ အကြောင်းကြားထား

ပဲခူးတိုင်းဒေသကြီးလွှတ်တော်၊ ပညာရေး၊ ကျန်းမာရေး၊ လူမှုရေးနှင့် အလုပ်သမားရေးရာကော်မတီက ရွှေသံ လွင်ကုမ်္ပဏီ၊ သပြေကန်တိုးလ်ဂိတ်မှ ထုတ်ပယ်ခံရသောဝန်ထမ်း ၄၉ဦးအား ပြန်လည်ခန့်အပ်ပေးရန် ကုမ္ပဏီထံ အကြောင်းကြားထားကြောင်း သိရသည်။
ဝေါမြို့နယ်၊ သပြေကန်တိုးလ်ဂိတ်မှ ရွှေသံလွင်ကုမ္ပဏီဝန်ထမ်း ၇၄ ဦးအနက် လျော်ကြေးမယူသောဝန်ထမ်း ၄၉ဦး လုပ်ငန်းခွင်ပြန်ဝင်ရောက်လိုမှုကို ပဲခူး တိုင်းဒေသကြီးလွှတ်တော်ရုံး၌ မတ် ၂၉ ရက်တွင် တိုင်းဒေသကြီးလွှတ်တော်ကော် မတီဝင်များ၊ ရွှေသံလွင်ကုမ်္ပဏီမှတာဝန် ရှိသူများ၊ ၀န်ထမ်းကိုယ်စားလှယ်ငါးဦးတို့ နှင့် ကြားနာစစ်ဆေးပြီးနောက် ယင်း ကဲ့သို့အကြောင်းကြားထားခြင်းဖြစ် ကြောင်း သိရသည်။
“ပထမအလုပ်သမားတွေက အလုပ် မလုပ်ချင်တော့ဘူးဆိုပြီး ဘာမှမပြောကြ ဘူး။ အခုတစ်လကျော်ကြာမှ အလုပ် ဖြုတ်ခံရတဲ့အလုပ်သမားတွေက အချို့က လျော်ကြေးယူပြီးမလုပ်တော့ဘူး၊ အချို့ ကလျော်ကြေးမယူဘဲ အလုပ်ပြန်လိုချင် တယ်။ ကျွန်တော်ပြောတာက တိုးလ်ဂိတ် အလုပ်ကလည်း ရပ်ဆိုင်းတာမဟုတ်ဘူး၊ ၀န်ထမ်းတွေကလည်း အပြစ်ရှိတာ မဟုတ်ဘူး။ အဲဒီတော့ ကုမ်္ပဏီဘက်ကို အလုပ်သမားတွေပြန်ခန့်အပ်ပေးဖို့ တောင်းဆိုလိုက်တာပါ”ဟု ပဲခူးတိုင်းဒေ သကြီးလွှတ်တော်၊ ပညာရေး၊ ကျန်းမာ ရေး၊ လူမှုရေးနှင့် အလုပ်သမားရေးရာ ကော်မတီဥက်္ကဋ္ဌဒေါက်တာကျော်ကျော် ကပြောသည်။
ရွှေသံလွင်ကုမ်္ပဏီ၏ စစ်တောင်း-ကျိုက်ထိုလမ်းပိုင်း သပြေကန်တိုးလ်ဂိတ် တွင်တာဝန်ထမ်းဆောင်နေသောဝန်ထမ်း ၇၄ ဦးသည် နိုဝင်ဘာလကုန်မှစတင်၍ အလုပ်ရပ်စဲခံရသဖြင့် နစ်နာကြေးငါး လစာအပြင်ကရုဏာကြေးထပ်ဆောင်း ပေးစေလိုကြောင်းတင်ပြခဲ့ရာကုမ်္ပဏီ ဘက်ကပေးအပ်သည့်လျော်ကြေးကို အလုပ်သမား  ၂၅ ဦးကသာ လက်ခံခဲ့ပြီး ကျန်အလုပ်သမားများက အလုပ်ပြန်လုပ် ကိုင်လိုကြောင်း လွှတ်တော်ကော်မတီသို့ တင်ပြခဲ့သည်။
“ကျွန်တော်တို့က ကျွန်တော်တို့လုပ် ငန်းတွေကို ပုံမှန်ထမ်းဆောင်နေတာပါ။ အခုလိုရုတ်တရက်အလုပ်မှရပ်စဲတဲ့ အပေါ်စိတ်မကောင်းခြင်း၊ ခံပြင်းဒေါသ ဖြစ်မိကြပါတယ်။ ကုမ်္ပဏီဝန်ထမ်းတွေနဲ့ လာချိန်းတာပါ။ အပြင်လောကမှာလည်း လုပ်ငန်းလုပ်ဖို့အခက်အခဲတွေပေါ်ပေါက် နေပါတယ်။ ကျွန်တော်တို့ကလျော်ကြေး လည်းမယူပါဘူး။အလုပ်ပဲပြန်လိုချင်တာ ပါ”ဟု အလုပ်ထုတ်ခံရသည့်တိုးလ်ဂိတ် ၀န်ထမ်းတစ်ဦးကပြောသည်။
တိုင်းဒေသကြီးလွှတ်တော်ကော်မတီ နှင့် ညှိနှိုင်းဆွေးနွေးချက်များအရအလုပ် သမားများပြန်လည်ခန့်အပ်ပေးရေးတိုက် တွန်းချက်ကို ရွှေသံလွင်ကုမ်္ပဏီမှကိုယ် စားလှယ်များက အလုပ်ရှင်(ဦးဆောင် ဒါရိုက်တာ)ထံ ပြန်လည်တင်ပြပြီး ဧပြီ ၉ ရက်တွင် ထပ်မံတွေ့ဆုံရန် ချိန်းဆို လိုက်ကြောင်းသိရသည်။
ရွှေသံလွင်ကုမ်္ပဏီသည်စစ်တောင်း စက်္ကူစက်ရုံအား စက်မှုဝန်ကြီးဌာနထံမှ နှစ်ရှည်စာချုပ်ဖြင့် ငှားရမ်းစဉ်က ယခင် စစ်တောင်းစက်္ကူစက်ရုံ၌တာဝန်ထမ်း ဆောင်ခဲ့သော ၀န်ထမ်းများကိုလည်း သပြေကန်တိုးလ်ဂိတ်၌ ၂၀၁၄ စက် တင်ဘာလမှ စတင်ခန့်အပ်တာဝန်ပေးခဲ့ သည်။ လက်ရှိတွင် စစ်တောင်းစက်္ကူ စက်ရုံကို ဆက်လက်မလုပ်ကိုင်တော့ဘဲ မွန်ပြည်နယ်အစိုးရထံပြန်လည်လွှဲပြောင်း ပေးအပ်ခဲ့သဖြင့် တိုးလ်ဂိတ်၌တာဝန် ထမ်းဆောင်နေသော စက်ရုံဝန်ထမ်းများ ကိုလည်း အလုပ်မှရပ်စဲပြီး ၎င်းင်းတို့၏ ကုမ်္ပဏီဝန်ထမ်းများနှင့် အစားထိုးခန့်အပ် ခဲ့ကြောင်း သိရသည်။ 
မျိုးမြတ် (မြစ်မခ)
 
Date: 
Tuesday, April 3, 2018