မြန်မာနိုင်ငံရင်းနှီးမြှုပ်နှံမှုဥပဒေတွင် တိုင်းဒေသကြီးနှင့် ပြည်နယ်အစိုးရအဖွဲ့များ လုပ်ပိုင်ခွင့်များပိုမိုရရှိလာ

မြန်မာနိုင်ငံရင်းနှီးမြှုပ်နှံမှုဥပဒေတွင် တိုင်းဒေသကြီးနှင့် ပြည်နယ်အစိုးရအဖွဲ့ များအနေဖြင့် လုပ်ပိုင်ခွင့်များပိုမိုရရှိလာ ကြောင်း မကွေးတိုင်းဒေသကြီးအစိုးရ အဖွဲ့ဝန်ကြီးချုပ်ဒေါက်တာအောင်မိုးညို ကပြောသည်။ သြဂုတ် ၆ ရက် မကွေးမြို့၊ နန်းထိုက်သူဟိုတယ်၌ ကျင်းပပြုလုပ် သည့်မြန်မာနိုင်ငံရင်းနှီးမြှုပ် နှံမှုဥပဒေ၊ နည်းဥပဒေနှင့် မြန်မာနိုင်ငံကုမ်္ပဏီများ ဥပဒေရှင်းလင်းဆွေးနွေးပွဲတွင် ပြောကြား ခဲ့ခြင်းဖြစ်သည်။                                                                                                                    
““၀န်ကြီးချုပ်ဒေါက်တာအောင်မိုးညိုက “နိုင်ငံဖွံ့ဖြိုးတိုးတက်ရေးမှာ အရေးပါတဲ့ နိုင်ငံခြားတိုက်ရိုက် ရင်းနှီးမြှုပ်နှံမှုများ နိုင်ငံတော်အတွင်း ပိုမိုဝင်ရောက်လာစေ ဖို့၊ ဒေသခံရင်းနှီးမြှုပ်နှံသူများရင်းနှီးမြှုပ် နှံမှုဆိုင်ရာအခွင့်အလမ်းများပိုမိုရရှိ ခံစားနိုင်စေဖို့၊ တာဝန်ယူ တာဝန်ခံမှုရှိ သောရင်းနှီးမြှုပ်နှံမှုလုပ်ငန်းများတိုးပွား လာစေဖို့၊ ပြည်သူများ၏အလုပ်အကိုင် အခွင့်အလမ်းများ၊ ကျွမ်းကျင်မှုနှင့် နည်း ပညာများတိုးတက်ရရှိစေဖို့၊ ရင်းနှီး မြှုပ်နှံသူများဥပဒေအရရသင့်ရထိုက်သည့် အခွင့်အရေးများ ရရှိစေရန်အတွက် မြန်မာနိုင်ငံရင်းနှီးမြှုပ်နှံမှုဥပဒေကို ၂၀၁၆ ခုနှစ် အောက်တိုဘာ ၁၈ ရက်တွင် ပြည်ထောင်စုလွှတ်တော်ဥပဒေအမှတ် ၄၀ ဖြင့်လည်းကောင်း၊ မြန်မာနိုင်ငံ ကုမ်္ပဏီများဥပဒေကို ၂၀၁၇ခုနှစ် ဒီဇင်ဘာ ၆ ရက်တွင် ပြည်ထောင်စု လွှတ်တော်ဥပဒေအမှတ် ၂၉ ဖြင့်လည်း ကောင်းအသီးသီးအတည်ပြုပြဌာန်းခဲ့ပြီး ဖြစ်တယ်။ ခုဆိုရင်ပြည်တွင်း-ပြည်ပ စီးပွားရေးလုပ်ငန်းရှင်များနဲ့ ရင်းနှီးမြှုပ် နှံသူတွေအတွက် အထောက်အကူဖြစ်မဲ့ စီမံကိန်းနှင့် ဘဏ္ဍာရေးဝန်ကြီးဌာန အောက်ရှိရင်းနှီးမြှုပ်နှံမှုနှင့် ကုမ်္ပဏီများ ညွှန်ကြားမှုဦးစီးဌာနရုံးခွဲများကို တိုင်းဒေ သကြီးနှင့် ပြည်နယ်မြို့အားလုံးမှာဖွင့် လှစ်ဆောင်ရွက်နေပြီဖြစ်ပြီး မကွေးတိုင်း ဒေသကြီးတွင် ရင်းနှီးမြှုပ်နှံမှုနှင့် ကုမ်္ပဏီ များညွှန်ကြားမှုဦးစီးဌာန၊ တိုင်းဒေသ ကြီးဦးစီးမှူးရုံးကို ၂၀၁၇ခုနှစ်မတ်လ ၂၀ ရက်တွင် ဖွင့်လှစ်ပေးခဲ့ပြီး ကုမ်္ပဏီဖွဲ့ စည်းမှတ်ပုံတင်ခြင်းနှင့် ကုမ်္ပဏီဆိုင်ရာ အတည်ပြုလုပ်ငန်းများကို ဆောင်ရွက် ပေးနေပြီး ယနေ့အထိမကွေးတိုင်းဒေသ ကြီးအတွင်းမှာ ကုမ်္ပဏီမှတ်ပုံတင်ထား တဲ့ လုပ်ငန်းစုစုပေါင်း ၅၅၅ ခု ရှိနေပြီ ဖြစ်ပါတယ်”ဟု ပြောသည်။ 
မြန်မာနိုင်ငံရင်းနှီးမြှုပ်နှံမှုဥပဒေတွင် “ပြည်ထောင်စုနယ်မြေအပါအ၀င်တိုင်း ဒေသကြီးနှင့်ပြည်နယ်များစီးပွားရေးဖွံ့ဖြိုး တိုးတက်ရေးအတွက် ရင်းနှီးမြှုပ်နှံမှု လုပ်ငန်းအမျိုးအစားအရလည်းကောင်း၊ သဘာဝအရင်းအမြစ်အနေအထားအရ လည်းကောင်း၊ အလုပ်အကိုင်အခွင့် အလမ်းရရှိရေးအတွက်လည်းကောင်း၊ ပြည်ထောင်စုအစိုးရအဖွဲ့ကခွင့်ပြုပေး နိုင်သည့်ရင်းနှီးမြှုပ်နှံမှုလုပ်ငန်းများကို နေပြည်တော်ကောင်စီ၊ တိုင်းဒေသကြီး/ ပြည်နယ်အစိုးရအဖွဲ့များနှင့် ညှိနှိုင်း၍ လုပ်ပိုင်ခွင့်ခွဲဝေပေးခြင်း”ဟု ပြဋ္ဌာန်းပါရှိ သည့်အတွက် တိုင်းဒေသကြီးနဲ့ ပြည်နယ် အစိုးရအဖွဲ့များအနေနဲ့ မိမိတို့ဒေသဖွံ့ဖြိုး တိုးတက်ရေးအတွက် ကိုယ်တိုင်ကိုယ်ကျ ဆောင်ရွက်နိုင်သည့်လုပ်ပိုင်ခွင့်များပိုမို ရရှိလာပြီဖြစ်ပါတယ်”ဟုဝန်ကြီးချုပ်က ဆက်လက်ပြောဆိုသည်။  
မကွေးတိုင်းဒေသကြီးဖွံ့ဖြိုးတိုးတက် ရေးအတွက်တိုင်းဒေသကြီးအတွင်းရင်းနှီး မြှုပ်နှံမှုလုပ်ငန်းများ တိုးပွားများပြားလာ          စေရေးနှင့်အတူ တာဝန်ယူမှုရှိသော ရင်းနှီးမြှုပ်နှံမှုလုပ်ငန်းများဖြစ်ထွန်းလာ စေရေးအတွက် မကွေးတိုင်းဒေသကြီး ရင်းနှီးမြှုပ်နှံမှုကော်မတီကို ၂၀၁၇ခုနှစ် ဇူလှိုင်၇ရက်တွင် မြန်မာနိုင်ငံရင်းနှီး မြှုပ်နှံမှုကော်မရှင်၏ အမိန့်ကြော်ငြာစာ အမှတ် ၅၇/၂၀၁၇ဖြင့် ဖွဲ့စည်းခဲ့ပြီး မကွေးတိုင်းဒေသကြီးရင်းနှီးမြှုပ်နှံမှုကော် မတီတွင် မတည်ရင်းနှီးငွေအမေရိကန် ဒေါ်လာ ၅ သန်းအထိ (မြန်မာကျပ်ငွေ သန်းခြောက်ထောင်အထိ)ရှိသောမြန်မာ နိုင်ငံရင်းနှီးမြှုပ်နှံမှုဥပဒေပုဒ်မ ၃၆နှင့် အကျုံးမ၀င်သည့်လုပ်ငန်းများကိုအတည် ပြုမိန့်လျောက်ထားရယူနိုင်ပြီဖြစ်ကြောင်း၊ မကွေးတိုင်းဒေသကြီးရင်းနှီးမြှုပ်နှံမှုကော် မတီသို့လျှောက်ထားလာသောလုပ်ငန်း များအနက် လက်ရှိ လုပ်ငန်း ၁၁ခုကို အတည်ပြုမိန့်ထုတ်ပေးနိုင်ခဲ့ပြီး အဆိုပါ လုပ်ငန်း ၁၁ခုတွင် မြန်မာနိုင်ငံသားရင်း နှီးမြှူပ်နှံမှုလုပ်ငန်း ၁၀ ခု နှင့် နိုင်ငံခြား ရင်းနှီးမြှုပ်နှံမှုလုပ်ငန်း ၁ ခု တို့ပါဝင်ကာ စုစုပေါင်းမတည်ငွေရင်းပမာဏအနေဖြင့်  အမေရိကန်ဒေါ်လာ ၈ သိန်းအပါအ၀င် မြန်မာကျပ်ငွေသန်းပေါင်း ၄၃၃၅ ဒသမ ၇ သန်းဖြစ်ကြောင်း ၀န်ကြီးချုပ်ကဆက် လက်ပြောကြားသည်။    
 သီဟဘုန်းမိုရ်
 
Date: 
Tuesday, August 7, 2018