နိုင်ငံပိုင်သတင်းစာများကို အစိုးရ၀ါဒဖြန့်ပုံစံမဟုတ်ဘဲ ပြည်သူ့ကိုယ်စားပြု သတင်းစာများဖြစ်စေရေး ကြိုးပမ်းနေဟု ပြည်ထောင်စုဝန်ကြီးဆို

နိုင်ငံပိုင်သတင်းစာများကို အစိုးရ ၀ါဒဖြန့်ပုံစံသဘောမျိုးမဟုတ်ဘဲ ပြည်သူ နှင့် အစိုးရကြားပေါင်းကူးဆောင်ရွက်ပေး မည့်မီဒီယာဗဟုဝါဒကျင့်သုံးပြီး ပြည်သူ များသတင်းအမှန်ဖြစ်ရပ်အမှန်သိစေရန် အသိပညာဗဟုသုတရရှိစေရန် အကိုး အကားပြုစေနိုင်သည့်ခိုင်မာသောသတင်း အချက်အလက်များ၊ အသိပညာပေးမှု များဖြင့် ပြည်သူ့ကိုယ်စားပြုသတင်းစာ များဖြစ်စေရေးကြိုးပမ်းဆောင်ရွက်နေ ကြောင်း ပြန်ကြားရေးဝန်ကြီးဌာနပြည် ထောင်စုဝန်ကြီးဒေါက်တာဖေမြင့်ကပြော သည်။ဖေဖော်ဝါရီ ၆ ရက် ပြည်သူ့လွှတ် တော်တွင် မြေပုံမဲဆန္ဒနယ်မှ ဦးဖေသန်း ၏တိုင်းရင်းသားနှင့် ပုဂ်္ဂလိကသတင်းမီဒီ ယာများဖွံ့ဖြိုးတိုးတက်ရေးအတွက် နိုင်ငံ တော်ကမည်သို့ကူညီဆောင်ရွက်ပေးမည် ကိုသိလိုကြောင်းနှင့် နိုင်ငံပိုင်သတင်းစာ များအား ပြည်သူ့ကိုယ်စားပြုသတင်းစာ များအဖြစ်ရောက်ရှိအောင်ပြုပြင်ပြောင်း လဲမှုလုပ်ဆောင်ခြင်းများရှိကြောင်း သိလို ကြောင်း မေးခွန်းအပေါ်ပြည်ထောင်စု ၀န်ကြီးကဖြေကြားခဲ့ခြင်းဖြစ်သည်။

အစိုးရသစ်လက်ထက်တွင် ၀န်ကြီး ဌာနအလိုက်ပြောရေးဆိုခွင့်အဖွဲ့များဖွဲ့ စည်းခြင်း၊ ပြောရေးဆိုခွင့်ရပုဂ်္ဂိုလ်များ မီဒီယာနှင့် ဆက်ဆံပြောဆိုမှုအတွက် လိုအပ်သောသင်တန်းများဖွင့်လှစ်ခြင်း၊ သတင်းအချက်အလက်ရယူခြင်းနှင့် ပတ် သက်သောစိန်ခေါ်မှုများအလုပ်ရုံဆွေးနွေး ပွဲပြုလုပ်နိုင်ခြင်း၊ နိုင်ငံတော်သမ်္မတရုံးနှင့် နိုင်ငံတော်၏အတိုင်ပင်ခံပုဂ်္ဂိုလ်ရုံးအပါ အ၀င်ဝန်ကြီးဌာနအလိုက် Website  များ၊ facebook  များဖွင့်လှစ်ကာသတင်းထုတ် ပြန်ပေးခြင်း၊ ၀န်ကြီးဌာနအလိုက်ပြောခွင့် ရပုဂ်္ဂိုလ်များက ဖြေကြားပေးနေခြင်းများ ကိုပြည်ထောင်စုဝန်ကြီးကထည့်သွင်းဖြေ ကြားသည်။

အစိုးရသစ်လက်ထက်နိုင်ငံပိုင်မီဒီ ယာများ၏ဖော်ပြတင်ဆက်မှုများမှာ အစိုးရ၀ါဒဖြန့်ပုံစံသဘောမျိုးမဟုတ်ဘဲ ပြည်သူနှင့် အစိုးရကြားအပြန်အလှန်ထိ တွေ့ဆက်ဆံနေသည့်ကြားခံယန်္တရား သဖွယ်ဆောင်ရွက်ပေးနေကြောင်းလည်း ပြည်ထောင်စုဝန်ကြီးကဖြေကြားသည်။

ပုံနှိပ်ခြင်းနှင့် ထုတ်ဝေခြင်းလုပ်ငန်း နည်းဥပဒေများစတင်ပြဋ္ဌာန်းသော ၂၀၁၄ ခုနှစ် အောက်တိုဘာ ၁၀ ရက်မှ စ၍ ယနေ့အထိပုံနှိပ်ခြင်းလုပ်ငန်း ၁၄၀၈ဦး၊ ထုတ်ဝေခြင်းလုပ်ငန်း ၂၀၁၆ ဦး၊ သတင်း အေဂျင်စီလုပ်ငန်း ၅၆ ဦး၊ စုစု ပေါင်း ၃၄၈၀ဦးအား အသိအမှတ်ပြု လက်မှတ် များစိစစ်ခွင့်ပြုပေးခဲ့ကြောင်း ပြန်ကြားရေး ၀န်ကြီးဌာနက ယခုနှစ် ဖေဖော်ဝါရီ ၃ ရက်တွင်ထုတ်ပြန်ထားသည်။    

စိုးအောင်

Date: 
Tuesday, February 7, 2017